Քաղաքացիական ավիացիայի գործակալությունը տեխնիկական տեսանկյունից ուսումնասիրել է Վրաստանի տարածքում ուղղաթիռների կայանատեղիների կառուցման վայրերը և կազմել համապատասխան հաշվետվություն։
Ինչպես «InterPressNews»-ին հայտնել են Քաղավիացիայի գործակալությունից ուղղաթիռների կայանատեղիներ կառուցելու վերաբերյալ՝ այդ նպատակով գնահատվել է ընդհանուր առմամբ 333 տեղանք։
«Ինչպես հայտարարել է էկոնոմիկայի և կայուն զարգացման նախարար Լևան Դավիթաշվիլին, ծրագրվում է երկրում ավիացիոն ենթակառուցվածքների հետագա զարգացում տարբեր ուղղություններով։ Մասնավորապես, նախատեսվում է Քութաիսիի միջազգային օդանավակայանում կառուցել նոր թռիչքուղի, որը կնպաստի ինչպես նշված օդանավակայանի ներուժի ավելացմանը, այնպես էլ երկրում օդային բեռնափոխադրումների բարելավմանը։ Նախատեսվում է նաև վերանորոգել Թելավիի օդանավակայանը, որը ենթադրում է նոր տերմինալային ենթակառուցվածքի կառուցում և գործող թռիչքուղու երկարացում։ Ծրագրի նպատակն է ընդլայնել դեպի տեղական ուղղություններով թռիչքների աշխարհագրությունը, ինչպես նաև խթանել ներքին ավիաչվերթներն ու զբոսաշրջությունը։
Ինչ վերաբերում է ուղղաթիռների կայանատեղիներ կառուցելուն, ցանկանում եմ տեղեկացնել, որ Էկոնոմիկայի և կայուն զարգացման նախարարության հանձնարարությամբ Քաղաքացիական ավիացիայի գործակալությունն ավարտել է Վրաստանի ոչ ակտիվ և նոր օդանավակայանների տեղակայման տեխնիկական ուսումնասիրությունը և մշակել է հաշվետվություն ուղղաթիռների համար թռիչքուղիների կառուցման հնարավորության մասին։ Ընդհանուր առմամբ գնահատվել է 333 կետ և մշակվել համապատասխան եզրակացություններ, ինչը կարևոր է ուղղաթիռների կայանատեղիներ կառուցելու նպատակով կոնկրետ վայրեր ընտրելու համար»,- հայտարարում են Քաղաքացիական ավիացիայի գործակալությունից։
