Ընդլայնվել է այն դեղերի ցանկը, որոնց համար սահմանված են ռեֆերենտ գներ: Առողջապահության նախարարության տվյալներով՝ գնի վերին շեմ է սահմանվել ավելի քան 2300 դեղամիջոցի համար։
Մասնավորապես, գոյություն ունեցող քրոնիկական և ուռուցքաբանական դեղամիջոցներին ավելացվել են հակահիպերտոնիկ, հակակոագուլյատիվ, հակահիստամինային, հակաբիոտիկ, ստամոքս-աղիքային տրակտի, ցավազրկող և հակաբորբոքային դեղամիջոցներ։
Ինչպես նշում են Առողջապահության նախարարությունում, նշված գնագոյացման մեխանիզմը մինչև տարեվերջ ընդլայնվելու է մինչև 7000 դեղամիջոցի համար, ինչի արդյունքում դեղերի շուկայում ակտիվորեն շրջանառվող դեղամիջոցներն ամբողջությամբ ներառվելու են։
«Բարեփոխման նպատակը քաղաքացիների համար դեղերի առավելագույն հասանելիության ապահովումն է։ Փոփոխության արդյունքում դեղերի արտադրանքի գինը կնվազի միջինը 40 տոկոսով»,- հայտնում են գերտեսչությունից։
Դեղերի ցանկի և գնի առավելագույն սահմանաչափի մասին տեղեկատվությունը հասանելի է referenceprice.moh.gov.ge կայքում։
