Երեկ՝ մայիսի 11-ին, Ախալքալաքի երաժշտական դպրոցում տեղի ունեցավ համերգ «Գարունը սեր է, սերը՝ մայրություն» խորագրի ներքո։
Համերգը լսելու էին եկել հոգևորականներ, Սակրեբուլոյի պատգամավորներ, Ախալքալաքի տեղական ինքնակառավարման մարմինների ներկայացուցիչներ, ծնողներ, ուսուցիչներ։
Ելույթ ունեցան երաժշտական դպրոցի սաները։ Մինչ հայ, վրացի և այլ հայտնի կոմպոզիտորների դաշնամուրային ստեղծագործությունները նվագելը, կատարողները ասմունքեցին տարբեր բանաստեղծություններ։ Ելույթները և՛ սոլո էին, և՛ դաշնամուրի ու կիթառի դուետ, նաև հանդես եկան երաժշտական դպրոցի երգչախմբերը։
