Քառատողը «Կրկնվող սիրո նոյեմբեր» գրքից է, որն այն երեք գրքերից վերջին է, որի հեղինակը Ջավախքի Գոման գյուղից երիտասարդ բանաստեղծ Բեգլար Չրաղյանն է: Բեգլարը մանկուց հետաքրքրված է եղել իր բառերով ասած՝ բանաստեղծություների աշխարհով: Եվ իրական կյանքում տեղի ունեցող դեպքերը, իր մտքերը մեր հերոսը որոշել է հանձնել թղթին, դրանք դարձնելով իր բանաստեղծական աշխարհի մի մասը: Նա իր առջև նպատակ է դրել՝ օգնել մարդկանց, բայց ոչ թե ֆինանսապես, այլ հոգեպես:
Մեր հերոսը մանկությունն անցկացրել է Գոման գյուղում, 9 տարի սովորել է գյուղի դպրոցում, այնուհետև կրթությունը շարունակել է Հայաստանում: Ընդունվել է Պլեխանովի անվան ռուսական տնտեսագիտական քոլեջ, ապա նույն անվանունը կրող համալսարանում 4 տարի ծրագրավորում է սովորել:
Այժմ նա վերադարձել է հայրենի Ջավախք և այստեղ է աշխատում, որպես IT մենեջեր շրջանի 12 դպրոցում: Դպրոցներից որպես ուսուցիչ աշխատելու հրավերներ նույնպես եղել են՝ թե գրականության, թե ինֆորմատիկայի թեքումով, բայց Բեգլարը մերժել է դրանք տարբեր պատճառներով: Նա նշում է ապագայում հնարավոր է ընդունի առաջարկները և աշխատի որպես ուսուցիչ, բայց նաև չի բացառով նորից Երևան վերադառնալու տարբերակը:
«Դեռ մանկուց հետաքրքրված եմ գրականությամբ, իմ ոչ հայրական և ոչ մայրական կողմում գրողներ չկան, դա ես ժառանգաբար չեմ ստացել, այլ իմ հետաքրքրություներն ինձ տարան դեպի բանաստեղծական աշխարհ: Մասնագիտություն ընտրեցի ծրագրավորումը, քանի որ այս ոլորտը նույնպես իմ հետաքրքրություների մեջ էր մտնում, կարծում եմ իմ հետաքրքրություները տարբեր են միմյանցից և դրա համար շրջապատում ինձ հաճախ են հարցնում ինչպես եմ համատեղում բանաստեղծական աշխարհը վիրտուալ աշխարհի հետ, և ինչ կապ ունեն դրանք իրար հետ, ես այդ հարցին ունեմ իմ պատասխանը՝ ծրագրավորումն իմ մասնագիտությունն է, իսկ բանաստեղծություներ գրելը՝ իմ ապրելակերպը»,- ասում է մեր հերոսը:
Բեգլարը սկզբնական շրջանում միայն բանաստեղծություներ է գրել, հիմա արդեն պատմվածքներ և վեպեր է գրում: Հրատարակած 3 գիրք ունի, որոնցից առաջինը «Հոգուս Աչքերը» գիրքն է, նա 19 տարեկան էր, երբ լույս տեսավ իր առաջին գիրքը:
«Բանաստեղծություներ ավելի հաճախ սկսեցի գրել Երևանում ապրելու տարիներին, այն ժամանակ հաճախ էի կարդում տարբեր գրողների բանաստեղծություները: Երազում էի, որ մի օր կունենամ հրատարակված իմ գիրքը, և մեծ եղբորս օգնությամբ 2019 թվականին հրատարակվեց իմ առաջին գիրքը, որն իմ երազանքի իրականացումն էր», – պատում է նա:
2021 թվականին արդեն լույս է տեսնում նրա երկրորդ գիրքը՝ «Թաքնված կարոտ»-ը, իսկ 2022-ին «Կրկնվող սիրո նոյեմբեր» գիրքը: Այժմ երիտասարդ բանաստեղծը պատրաստվում է հրապարակել իր չորորդ գիրքը, որը կտրուկ կտարբերվի մնացած երեքից, քանի որ այն ոչ թե հիմնված է լինելու իրական դեպքերի, այլ՝ ավելի շատ առեղծվածային, փիլիսոփայական երևույթների մասին:
Ապագայի պլանների մասին խոսելիս մեր հերոսը ուզում է, որ իր չորրորդ գիրքը թարգմանվի ռուսերեն, քանի որ Ռուսաստանում իր գրքերը կարդալու հետաքրքրություն աճում է, իսկ հայերենի ոչ բավարար իմացությունը խանգարում է նրանց ձեռք բերել և կարդալ ջավախքցի բանաստեղծի գրքերը:
Բեգլար Չրաղյանի գրքերը վաճառքում են և հասանելի են Հայաստանի «Բուկինիստ» գրախանութների ցանցերում, առաջիկա օրերին վաճառքի կհանվեն նաև մյուս գրախանութներում: Ջավախքում նրա գրքերը դեռ հասանելի չեն: