---

ԿԳ նախարարության նախաձեռնությամբ էական փոփոխություններ և նորամուծություններ են մտցվել ուսուցչի մասնագիտական ​​զարգացման և կարիերայի առաջխաղացման սխեմայում։ Փոփոխութուններ են կատարվել  նաև ոչ վրացալեզու դպրոցների ուսուցիչների կարգավիճակ ստանալու կարգում:

Ըստ այդ փոփոխությունների՝ 2023 թվականի ընթացքում Գնահատման և քննությունների ազգային կենտրոնի կազմակերպած առարկայական քննությանը որպես գործող ուսուցիչներ իրավունք ունեն գրանցվելու միայն ազգային փոքրամասնությունների լեզուների՝ հայերենի և ադրբեջաներենի պրակտիկոս ուսուցիչների կարգավիճակ ունեցող ուսուցիչները:

Ոչ վրացալեզու դպրոցների էթնիկ փոքրամասնությունների լեզուների (հայերեն և ադրբեջաներեն) գործող ուսուցիչը կպահպանի գործող ուսուցչի կարգավիճակը մինչև 2025-2026 ուսումնական տարվա ավարտը։

Փոփոխությունների համաձայն ոչ վրացալեզու դպրոցներում ազգային փոքրամասնությունների լեզուների (հայերեն և ադրբեջաներեն) ուսուցիչների մասնագիտական առաջխաղացման պայմանները ձևավորվել են հետևյալ կերպ.

Մինչև 2026 թվականը ոչ վրացալեզու դպրոցների ազգային փոքրամասնությունների լեզուների (հայերեն և ադրբեջաներեն) ուսուցիչն ավագ ուսուցչի կարգավիճակ կստանա, եթե

• անցնի (կամ անցել է) վրաց լեզվի դասընթաց, որը կազմակերպվել է Ուսուցիչների մասնագիտական ​​զարգացման ազգային կենտրոնի կամ Զուրաբ Ժվանիայի անվան պետական ​​կառավարման դպրոցի կամ բարձրագույն ուսումնական հաստատության կողմից
• կամ պետք է ներկայացնի վրացերենի իմացությունը հաստատող փաստաթուղթ
• և մասամբ հաստատի առարկայական իրավասությունը (1, 4, 7 կամ 10 կրեդիտով):
• Այդ դեպքում ուսուցչին թույլ կտան անցնել մասնագիտական ​​հմտությունների վերապատրաստման երկարաժամկետ դասընթաց, որը հաջողությամբ ավարտելուց հետո կտրվի ավագ ուսուցչի կարգավիճակ։

Կամ՝

• Ոչ վրացալեզու դպրոցների ազգային փոքրամասնությունների լեզուների (հայերեն և ադրբեջաներեն) գործող ուսուցչին, որը 2022 թվականի դեկտեմբերի 31-ի դրությամբ առարկայական և մասնագիտական ​​կարողության քննությունն անցել է առնվազն 1 կրեդիտով, կշնորհվի ավագ ուսուցչի կարգավիճակ:

Կամ՝

• Ոչ վրացալեզու դպրոցների էթնիկ փոքրամասնությունների լեզուներով (հայերեն և ադրբեջաներեն) դասավանդող գործող ուսուցիչները, որոնք 2022 թվականի դեկտեմբերի 31-ի դրությամբ առարկայական քննություններն անցել են 10 կրեդիտով, կստանան ավագ ուսուցիչի կարգավիճակ։

Վրաստանի կառավարության թիվ 97 որոշման համաձայն, ոչ վրացալեզու դպրոցների պրակտիկոս (գործող) ուսուցիչները (բացառությամբ էթնիկ փոքրամասնությունների լեզուների՝ հայերենի և ադրբեջաներենի ուսուցիչների) կպահպանեն գործող ուսուցիչների կարգավիճակը մինչև 2022-2023 ուսումնական տարվա ավարտը։

Ինչպես նրանք կարող են ստանալ ավագ ուսուցչի կարգավիճակ, կարդացեք այստեղ:

Ինչ վերաբերում է վրացալեզու դպրոցների ուսուցիչների կարգավիճակ ստանալու հետ կապված փոփոխություններին, ապա դրանք հետևյալն են՝

• Առաջատարի/մենթորի կարգավիճակը շնորհվելու է հմտությունների թեստի արդյունքների և պորտֆելի գնահատման հիման վրա։
• Հմտությունների թեստում մենթորի կարգավիճակի շեմը հաղթահարած ավագին հնարավորություն է տրվում ներկայացնել պորտֆելի գնահատական՝ ​​կամ առաջատարի կամ մենթորության վերաբերյալ:
• Դոկտորի գիտական ​​աստիճան ունեցող անձինք, ովքեր ստացել են ավագի կարգավիճակ հաստատված առարկայական քննության առնվազն 7 կրեդիտով, կամ ազգային ուսումնական պլանով նախատեսված առարկայական/առարկայական խմբում դոկտորի կոչումով, ազատված են կարգավիճակի բարձրացման հմտությունների թեստից և կգնահատվեն միայն պորտֆելի հիման վրա։

Կարևոր նորամուծություններ կան հատուկ ուսուցիչների մասնագիտական  առաջխաղացումը խթանելու առումով։ Մասնավորապես՝

• մենթորի կարգավիճակն ավելացվել է հատուկ ուսուցչի կարգավիճակների ցանկին,
• փոխվել է առաջատար և մենթոր հատուկ ուսուցչի կարգավիճակ ստանալու կարգը. կարգավիճակը կարելի է ձեռք բերել հատուկ ուսուցիչ դառնալ ցանկացողների մասնագիտական ​​հմտությունների թեստը հանձնելու և պորտֆելի գնահատման հիման վրա,
• առաջատար ուսուցչի կարգավիճակ ստանալու համար քնությունը կանցկացվի 2023 թվականին, իսկ մենթորինը՝ 2024-ին,
• հատուկ մանկավարժները, ովքեր աշխատում են մտավոր և սովորելու, բազմակի, զգայական խանգարումներ ունեցող աշակերտների հետ, կանցնեն հատուկ վկայականի դասընթաց։

Ուսուցիչների մասնագիտական առաջխաղացմանն աջակցելու նպատակով Վրաստանի կրթության և գիտության նախարարությունը շարունակում է ուսուցիչների մասնագիտական ​​զարգացման համակարգի վերանայման գործընթացը, որը ենթադրում է ուսուցիչների մասնագիտական ​​զարգացման սխեմայի կատարելագործում հենց ուսուցիչների առավելագույն ներգրավվածությամբ: