Տնտեսություն Հայաստան Վրաստան

Վրաստան ծաղիկ ներմուծող երկրների թվում առաջատարը Հայաստանն է

---

2022 թվականին Վրաստանը 3 միլիոն ԱՄՆ դոլարի՝ 1203 տոննա կտրած ծաղիկներ և ծաղկի կոկոններ է ներմուծել:

Սա ռեկորդ է վերջին տասը տարվա ընթացքում, գրում է BM.ge բիզնես պորտալը։

Վրաստան ծաղիկ է ներկրվել 13 երկրից, որոնց թվում առաջատարը Հայաստանն է։ Լավագույն մատակարարների հնգյակում են նաև Էկվադորը, Նիդեռլանդները, Թուրքիան և Քենիան:

Ստորև ներկայացնում ենք 2022 թվականին Վրաստան ծաղիկ ներմուծող երկրների ցանկը.

• Հայաստան՝ 1. 2 մլն դոլար,
• Էկվադոր՝ 584.6 հազար դոլար,
• Նիդեռլանդներ՝ 495.6 հազար դոլար,
• Թուրքիա՝ 379.5 հազար դոլար,
• Քենիա՝ 231.6 հազար դոլար,
• Հնդկաստան՝ 17.9 հազար դոլար,
• Ադրբեջան՝ 16.7 մլն դոլար,
• Իրան՝ 13.4 հազար դոլար,
• Կոլումբիա՝ 10 հազար դոլար,
• Եթովպիա՝ 5.5 հազար դոլար։

Գումարային առումով 2021 թվականի համեմատ ավելի շատ ծաղիկներ են առաքվել՝ 34,3%-ով, իսկ ծավալով՝ 36,9%-ով։