Նախնական գնահատականներով, 2022 թվականի օգոստոսին նախորդ տարվա նույն ժամանակահատվածի համեմատ, իրական համախառն ներքին արդյունքի (ՀՆԱ) աճը կազմել է 10,5 տոկոս, իսկ 2022 թվականի առաջին ութ ամիսների միջին ցուցանիշը՝ 10,3 տոկոս է։ Այս մասին նշված է Վրաստանի Ազգային վիճակագրական ծառայության կայքում հրապարակված տեղեկատվության մեջ։
Ըստ Ազգային վիճակագրական ծառայության՝ 2022 թվականի օգոստոսին, նախորդ տարվա համապատասխան ժամանակահատվածի համեմատ, աճի մեջ զգալի ներդրում են ունեցել հետևյալ ոլորտները՝ տրանսպորտ և պահեստավորում, շինարարություն, տեղեկատվություն և կապ, հյուրանոցներ և ռեստորաններ, առևտուր։ Նվազման միտում է նկատվել արտադրության և անշարժ գույքի հետ կապված գործունեության ոլորտում:
Ազգային վիճակագրական ծառայությունն ամեն ամիս ներկայացնում է տնտեսական աճի նախնական գնահատականները, որոնք հաշվարկվում են գերատեսչական վիճակագրության հիման վրա:
