Ընթացիկ տարվա բյուջեով նախատեսված փոփոխություններով Վրաստանի Պաշտպանության նախարարության բյուջեն ավելանում է 80 մլն լարիով։
2022 թվականի պետական բյուջեում կատարվելիք փոփոխությունների նախագծով ՊՆ հատկացումներն ավելացվում են 80.0 մլն լարիով և սահմանվում 1082.4 մլն լարիի չափով։
Ինչպես պարզաբանում է կառավարությունը, աճը հիմնականում պայմանավորված է պաշտպանական կարողությունների զարգացմամբ և նյութատեխնիկական ապահովման ծախսերի անխոչընդոտ ֆինանսավորմամբ։
Հարկ է նշել, որ Վրաստանի կառավարությունն արդեն խորհրդարանին է ներկայացրել 2022 թվականի պետական բյուջեի փոփոխության նախագիծը։ Խորհրդարանի բյուրոն այսօրվա նիստում հաստատել է բյուջեի փոփոխությունների քննարկման ժամանակացույցը, ըստ որի՝ բյուջեի նախագիծը կքննարկվի խորհրդարանական բոլոր հանձնաժողովներում ու խմբակցություններում։
Հանձնաժողովներում քննարկումների գործընթացը կսկսվի սեպտեմբերի 15-ին։ Խորհրդարանի ֆինանսաբյուջետային հանձնաժողովի ամփոփիչ նիստը տեղի կունենա սեպտեմբերի 28-ին, իսկ փոփոխությունները հաստատման կներկայացվեն հոկտեմբերի 3-ին՝ նստաշրջանային շաբաթվա ընթացքում։
