Վրաստանի Զբոսաշրջության ազգային վարչության նախաձեռնությամբ և USAID-ի աջակցությամբ տպագրվել են նոր ուղեցուցյներ զբոսաշրջիկների համար: Տեղեկությունը տարածում է զբոսաշրջության վարչությունը։
«Մշակվել է վեց ուղղություն, որոնք ներառում են տեղեկատվություն՝ Վրաստանի պահպանվող տարածքների, հանքարդյունաբերական հանգստավայրերի, մշակույթի, գինու և խոհանոցի մասին։ Նոր զբոսաշրջային ուղեցույցներով ճանապարհորդները տեղեկատվություն կստանան ՅՈՒՆԵՍԿՕ-ի ցանկում ընդգրկված հուշարձանների, թանգարանների, վանքերի, Իմերեթի զբոսաշրջային վայրերի և Քութայիսիի միջազգային օդանավակայանի մասին։ Գրքույկներում ներկայացված են քարտեզներ, երթուղիներ, վիզայի մասին տեղեկություններ, զբոսաշրջիկների համար առցանց հղումներ և QR կոդեր:
Նոր գովազդային գրքույկները Զբոսաշրջության ազգային վարչակազմը պատրաստել է՝ Լեռնային ճանապարհների գործակալության, Քութայիսիի օդանավակայանի, Վրաստանի ազգային զբոսայգիների և մշակութային ժառանգության պաշտպանության ազգային գործակալության հետ համատեղ:
Հրատարակվել են նոր զբոսաշրջային գրքույկներ անգլերենով։ Թիրախային շուկաների համար դրանք նախատեսվում է թարգմանել տարբեր լեզուներով։
Զբոսաշրջիկները նոր ուղեցույցների կծանոթանան տուրիստական տեղեկատվական կենտրոններում։ Զբոսաշրջության ազգային վարչությունը նոր տպագրված գրքույկները կներկայացնի միջազգային զբոսաշրջային ցուցահանդեսներին»,- նշված է Զբոսաշրջության ազգային վարչության հաղորդագրության մեջ։
