Աջարիայի Խալա գյուղի բնակիչը երեկ երեկոյան ներկայացել է ոստիկանություն՝ խոստովանելով, որ սխալմամբ կրակել է համագյուղացու վրա, քանի որ վերջինիս «արջի տեղ է դրել»։
Գյուղի ներկայացուցիչ Նոդար Կախիձեն լրագրողներին հաղորդել է, որ մեղադրյալը պատմել է, որ գյուղական ճանապարհին նա արջի տեղ է ընդունել երիտասարդին, ով վերադառնում էր ձկնորսությունից և սկսել է կրակել։
«Մթության պատճառով նա չի հասկացել, որ դա մարդ է, ցավոք, երիտասարդը չի արձագանքել, շարժվելիս միայն աղմուկ է լսվել»,- ասել է Կախիձեն։
Որպես ապացույց առգրավվել է որսորդական հրացանը։ Սպանության և ապօրինի զենք-զինամթերք պահելու դեպքի առթիվ հետաքննություն է տարվում։
