Շրջակա միջավայրի Ազգային գործակալության առաջարկության հիման վրա և Դարիալի կիրճում ստեղծված իրավիճակը հաշվի առնելով՝ Վրաստանի Ներքին գործերի նախարարությունը վերացրել է նախկինում սահմանված երթևեկության սահմանափակումները։ Այս մասին ասվում է Ներքին գործերի նախարարության հայտարարության մեջ։
«Դարիալի» սահմանային անցակետը նույնպես շարունակում է աշխատել բնականոն ռեժիմով։
«Օրվա առաջին կեսին Դևդորակիում տեղադրված վաղ նախազգուշացման համակարգից ստացվել է ահազանգ, որը հայտնաբերում է փոփոխությունները գետի հունի ջրի մակարդակի աննշան բարձրացման դեպքում։
Արձանագրության համաձայն՝ «Դարիալի» սահմանային անցակետը անմիջապես տարհանել է բոլոր ներկա քաղաքացիներին, ինչպես նաև պարեկային ոստիկանությանը, մաքսային ծառայությանը, սահմանային ոստիկանությանը և անցակետում աշխատող մասնավոր ընկերությունների աշխատակիցներին անվտանգ վայր։
Միևնույն ժամանակ, որպես նախազգուշական միջոց, Գվելեթի գյուղի մոտ սահմանափակվել է բոլոր տեսակի տրանսպորտային միջոցների երթևեկությունը երկու ուղղություններով։
Շրջակա միջավայրի ազգային գործակալության տվյալներով՝ Դարիալի կիրճում վտանգի մակարդակը վերացվել է», — ասվում է Ներքին գործերի նախարարության հայտարարության մեջ։
