Google-ը սկսել է իր ռուս «դստեր» սնանկացման գործընթացը։ Ռուսաստանում ռեկորդային տուգանքներ են սահմանվել ընկերության նկատմամբ:
«Google» ՍՊԸ-ն ներկայացրել է սնանկության դիմում ներկայացնելու մտադրության մասին ծանուցում, որը հետևում է իրավական առումով նշանակալի տեղեկատվության դաշնային ռեեստրի նյութերից:
Ընկերությունը հայտնել է, որ այս տարվա մարտի 22-ից կանխատեսում է սեփական սնանկացումը և դրամական պարտավորությունների կատարման անհնարինությունը։
Google-ում ռուսական կառույցի սնանկացումը բացատրում են բանկային հաշվի առգրավմամբ, որն անհնարին է դարձրել ընկերության ռուսական գրասենյակի գործունեությունը։
«Որոշ ժամանակ առաջ Google-ը կասեցրել է առևտրային գործունեության ճնշող մեծամասնությունը Ռուսաստանում: Այսօր մենք հայտնում ենք, որ «Google Russia» բանկային հաշվի առգրավումը անհնար է դարձրել մեր ռուսական գրասենյակի աշխատանքը, ներառյալ Ռուսաստանում աշխատողներին պահելը և աշխատուժին, մատակարարներին և կապալառուներին վճարելը, ինչպես նաև այլ ֆինանսական պարտավորությունների կատարումը»,- ասվում է Google-ի մամուլի ծառայությունում։
Նրանք հավելել են, որ շարունակելու են ռուս օգտատերերին տրամադրել անվճար ծառայություններ, ինչպիսիք են՝ որոնումը, քարտեզները, YouTube-ը, Gmail-ը, Android-ը և Play-ը: Փաստացի, Google ՍՊԸ-ն կատարում էր հաշվապահության գործառույթները, որը ընդունում էր վճարումները ռուս սպառողներից, սակայն Google-ը դադարեցրեց վճարովի ծառայություններ մատուցել Ռուսաստանում, BBC-ին ասել է «Ինտերնետ պաշտպանության հասարակության» գործադիր տնօրեն Միխայիլ Կլիմարևը (Արդարադատության նախարարության կողմից ներառված է օտարերկրյա գործակալների ռեեստրում):
«[Ռուսաստանի] իշխանությունները, միևնույն ժամանակ, մի քանի անգամ թալանել են այս ՍՊԸ-ն անարդար որոշումներով: Կարծում եմ, որ գործարքները դադարեցվել էին ավելի վաղ, ուղղակի այն պատճառով, որ ոչ ոք ոչինչ չէր վաճառում: Այժմ դա լիովին անհնար կլինի», – ասում է Կլիմարևը:
Կարդացեք ավելինBBC-ի հոդվածում.
