«Ուզում եմ ողջ պատասխանատվությամբ ասել իմ ժողովրդին և բացատրել, որ այս ամբողջ աժիոտաժը, սկանդալն ու անհիմն մեղադրանքները վրացական կառավարության դեմ ուղղված էին միայն մեկ նպատակի՝ ինչ-որ կերպ Վրաստանում երկրորդ ճակատ բացել»,- այս մասին հայտարարել է Վրաստանի վարչապետ Իրակլի Ղարիբաշվիլին։
Ղարիբաշվիլին նշել է, որ այլ ճակատ չի լինի, Վրաստանում պատերազմ չի լինի, ինչից հետո սկսվեց անհիմն մեղադրանքների կասկադը:
Նրա խոսքով, բոլորը հիշում են դեսպանին հետ կանչելու բացարձակապես անհիմն որոշումը, հետո կաթի, պանրի և այժմ ցորենի հետ կապված որոշ մեղադրանքներ, որոնք ավելացվեցին ուկրաինացի բարձրաստիճան պաշտոնյաների կողմից այն ճանաչմանը, որ իրենց ցանկությունն ու խնդիրն է եղել և կա երկրորդ ճակատ բացել Մոլդովայում և Վրաստանում:
«Երեկ մենք լսեցինք նաև այլ հայտարարություններ՝ կապված նմանատիպ մտադրության հետ, և, ցավոք, նրանց կողմից արված հայտարարությունը, որ մենք՝ Վրաստանի կառավարությունը, պատրաստ չենք պատերազմի և չենք գնա, և Սաակաշվիլին դա կաներ։ Մենք լավ գիտենք, որ Սաակաշվիլին ամենամեծ անուղղելի սխալ թույլ տվեց, երբ չխուսափեց մեր ժողովրդի և մեր երկրի դեմ պատերազմից։
Եթե Սաակաշվիլին այսօր իշխանության ղեկին լիներ, պատերազմ կլիներ, այստեղ երկրորդ Մարիուպոլ կկազմակերպվեր, դա էր մտադրությունը, և ես ուզում եմ ձեզ տալ հիմնական հարցը՝ ինչո՞ւ Սաակաշվիլին եկավ Վրաստան։ Սաակաշվիլին եկել էր երկիրը ապակայունացնելու, հեղափոխության, զանգվածային սպանությունների, այդ թվում՝ ընդդիմության առաջնորդների սպանության և հեղաշրջման նպատակով: Սա ուղղակիորեն նշանակում էր օկուպացված երկրում նոր պատերազմի սկիզբ։ Հասկանում եք, թե որքան կեղտոտ սադրանքներից ենք մենք խուսափել։
Ես ուզում եմ բոլորին ասել, որ Վրաստանում այլ ճակատ, պատերազմ չի լինի, սա մեր սկզբունքային որոշումն է»,- ասել է Ղարիբաշվիլին։
