Այսօր SEREC-ը հյուրընկալեց հյուրերի Լիտվայից: Ջավախքցիներն ու հյուրերը խոսեցին Լիտվայի և Վրաստանի ազգային փոքրամասնությունների մասին։
Լիտվայի ազգային փոքրամասնությունների հարցերով պետական դեպարտամենտի ներկայացուցիչը և ՀԿ-ների ներկայացուցիչները Լիտվայից այսօր այցելել են Նինոծմինդա և Ախալքալաք։ Այցի նպատակն էր պարզել, թե ինչ խնդիրներ ունեն ազգային փոքրամասնությունները Վրաստանում, ինչպես նաև համագործակցություն հաստատել տեղական կազմակերպությունների հետ։ Հանդիպումը կազմակերպվել և անցկացվել է SEREC-ի գրասենյակում։ Հյուրերի հետ զրուցելու նպատակով եկել էին տարբեր հասարակական կազմակերպությունների, լրատվամիջոցների և տեղական իշխանությունների ներկայացուցիչներ։
Լիտվայի ներկայացուցիչները խոսել են ազգային փոքրամասնությունների մասին, որոնք Լիտվայում կազմում են երկրի բնակչության մոտավորապես 16%-ը։ Դրանք լեհերն են, բելառուսները, ռուսները, կա նաև հայկական համայնք։ Հանդիպմանը քննարկվել են կրթության, ազգային փոքրամասնությունների դպրոցների դասագրքերի, պետական լեզվի ուսուցման, փոքրամասնությունների պատմական հայրենիքների պատմության, ինչպես նաև ազգային փոքրամասնությունների քաղաքականությունում, իշխանությունում, խորհրդարանում և Եվրախորհրդարանում ներկայացվածության մակարդակի, միգրացիայի, Ուկրաինայում պատերազմի և փախստականների, աշխատատեղերի և կենսամակարդակի մասին հարցերը: Ախալքալաքի բնակիչներն ու հյուրերը խոսեցին նաև իրենց բնակության երկրներում ինտեգրացիոն գործընթացի դրական կողմերի մասին։
Լիտվայից հյուրերն արդեն հեռացել են, բայց խոստացել են վերադառնալ համագործակցության գաղափարներով։
