Այսօր Ուկրաինայում կգործարկվի 10 մարդասիրական միջանցք։ Տեղեկությունը հրապարակում է երկրի փոխվարչապետ Իրինա Վերեշչուկը։
Նրա խոսքով՝ Մարիուպոլի քաղաքացիները կտեղափոխվեն Զապոռոժյե։ Վերջին 24 ժամվա ընթացքում նույն երթուղով տարհանվել է մինչև 5000 մարդ։ Բերդյանսկ կբերվի նաև մարդասիրական բեռներ։
Բերվիցիի, Բոգդանովկայի, Բորոդյանկայի և Բուչայի քաղաքացիները, ովքեր տեղափոխվել են Բրովարի կամ Բելոգորոդկա, կկարողանան օգտվել Կիևի մարզում մարդասիրական միջանցքից։
Լուգանսկի մարզի բնակիչները կկարողանան օգտվել հումանիտար միջանցքից Լիսիչանսկից, Սևերոդոնեցկից, Ռուբեժնիից և Պոպասնոյից:
Ինչ վերաբերում է Խերսոնի շրջանին, այստեղ նախատեսվում է մարդասիրական օգնություն ցուցաբերել։
