«Վրաստանն անհամբեր սպասում է գագաթնաժողովի համարձակ և հեռահար արդյունքներին, որոնք կտրուկ կնպաստեն մեր հավաքական կլիմայական հավակնություններին և կօգնեն մեզ դուրս գալ համավարակից ավելի կանաչ, ուժեղ և անվտանգ արդյունքներով, քան երբևէ ունեցել ենք», – այս մասին ՄԱԿ-ի 2021 թվականի Կլիմայի փոփոխությունների գագաթնաժողովի շրջանակներում, համաշխարհային առաջնորդների համաժողովին ելույթ ունենալիս, հայտարարել է Վրաստանի վարչապետ Իրակլի Ղարիբաշվիլին:
Ինչպես նշել է կառավարության ղեկավարը, Վրաստանը ցանկանում է, որ հռչակագրի շրջանակներում կարողանա իրականացնել հնարավորինս լայն համագործակցություն և դրանով իսկ արձագանքել այս բացառիկ գլոբալ մարտահրավերին։
«Թույլ տվեք նշել, որ այս գագաթնաժողովը չափազանց կարևոր է մեր ազգային և տարածաշրջանային շահերի համար։ Բոլոր երկրների հավասար աշխարհագրական ներկայացվածությունը, ինքնիշխան իրավահավասարությունը և արժանապատվությունը Միավորված ազգերի կազմակերպության հիմնարար սկզբունքներն են:
Վրաստանն ակնկալում է աշխատել գագաթնաժողովի նախագահի և մեր գործընկերների հետ՝ համագործակցության, թափանցիկության և հավասարության միջոցով լուծելու համար այս խնդիրները: Ոչ ոք չպետք է անմասն մնա այս ճակատամարտում:
Վրաստանն անհամբեր սպասում է այս գագաթնաժողովի համարձակ և հեռահար արդյունքներին, որոնք կտրուկ կզարգացնեն մեր հավաքական կլիմայական նկրտումները և կօգնեն մեզ դուրս գալ համավարակից ավելի կանաչ, ուժեղ և անվտանգ արդյունքներով, քան երբևէ ունեցել ենք: Հաջորդ սերունդն ունի մեր հույսը, և մենք պետք է կատարենք մեր խոստումները»,- հայտարարել է վարչապետը։
