Հոկտեմբերի 2-ին կայանալիք ՏԻՄ ընտրություններին ընդառաջ Jnews- ը հարցում անցկացրեց Ախալքալաքի փողոցներում և Ախալքալաքի շրջանի որոշ գյուղերում, պարզելու բնակչության կարծիքը այն թեկնածուների մասին, որոնց նրանք կցանկանային տեսնել Ախալքալաքի քաղաքապետի պաշտոնում:
Հարցումն անցկացվել է քաղաքի կենտրոնական փողոցներում և Արագվա գյուղում: Հարցման նպատակն էր պարզել բնակչության իրազեկվածության աստիճանը և նրանց վերաբերմունքը: Jnews- ը նմանատիպ հարցում էր անցկացրել նաև սեպտեմբերի սկզբին, կրկին գյուղերում և քաղաքում: Նշենք, որ բնակչության իրազեկվածության հետ կապված վիճակը բարելավվել է:
Ախալքալաքի բնակիչները մեր հարցերին պատասխանեցին շատ զգուշավոր և ոչ մի կոնկրետ բան չասելով: Բնակիչները, լսելով հարցերը, հեռանում էին, չպատասխանելով ոչինչ: Ոմանք որպես արդարացում, պատասխանել չկարողանալուն, հիշում էին իրենց օտարերկրյա քաղաքացիության մասին, կամ, լսելով հարցը, հանկարծ հիշում էին, որ ինչ -որ տեղ են ուշանում և հեռանում էին:
Jnews- ը հարցումն անցկացրել է ավելի քան 50 մարդու շրջանում: Ճնշող մեծամասնությունը գիտեր ընտրությունների մասին, ճանաչում էր թեկնածուներին, սակայն նրանք իրենց ընտրության կամ վերաբերմունքի մասին ոչինչ չպատասխանեցին:
Մեջբերում ենք մի քանի կարճ մեկնաբանություններ, որոնք մեզ հաջողվեց ստանալ հարցվածներից:
Քաղաքում միայն մեկ մարդ ասաց, որ ընտրում է Մելքոն Մակարյանին, որ նա գիտի նրան:
Հարցվածներից մի քանիսն ասացին, որ դեռ իրենք մտածում են, որ օրը կգա և իրենք կընտրեն թեկնածուներից որևէ մեկին:
Երկու կին ասացին, որ ով ընտրվի, նա էլ կլինի լավագույնը, իսկ թե ում են ընտրելու, չգիտեն: Մեկն ասաց, որ իր ընտրությունը գաղտնիք է և հեռացավ:
Արագվա գյուղում մարդիկ ավելի պատրաստակամ էին շփվելու, թեև թե գյուղի, թե քաղաքի բնակչույթունը, միևնույն է, պատրաստ չէ խոսել քաղաքական թեմաներից, հատկապես թեկնածուներից:
Մկրտիչ Ինդոյանը և Արագվայից ևս մեկ անձ, ով չասեց իր անունը՝ ասացին, որ իրենք ընտրելու են Մելիք Ռաիսյանին, քանի որ վերջինս իրենց համագյուղացին է:
Բնակիչներից մեկը շատ հոռետեսորեն էր տրամադրված, նրա կարծիքով, ով էլ որ լինի, իրավիճակը չի փոխվի, և ամեն ինչ դեպի վատն է գնում:
Տիգրան Միրոյանը բացատրեց, թե գյուղերում ինչպես է հիմնականում ընտրությունը կատարվում:
«Մտերիմը մոտենում է և ասում, թե ում ընտրել, դե, մարդն ասում է, ամոթ է չընտրելը, չնայած մենք գիտենք, որ նա, միևնույն է, գյուղի համար ոչինչ չի անի: Հենց այդպես էլ լինում է», – ասաց Տիգրան Միրոյանը:
Բնակչության մեծ մասը դեռ չի կողմնորոշվել, թե ում օգտին է քվեարկելու: Ընտրություններին մնում է երկու օր:
Ախալքալաքի մունիցիպալիտետում ընտրելու են քաղաքապետի, 14 մեծամասնական եւ 28 համամասնական պատգամավորների: Ընդհանուր առմամբ, Ախալքալաքի մունիցիպալիտետի Սակրեբուլոյում կլինի 42 պատգամավոր՝ 38 -ի փոխարեն: