Կորոնավիրուսի հինգերորդ ալիքն անպայման կլինի ինչպես ամբողջ աշխարհում, այնպես էլ մեզ մոտ: Հավանաբար, մենք պետք է դրան սպասենք մինչև նոյեմբերի վերջ, հայտնել է Հիվանդությունների վերահսկման ազգային կենտրոնի ղեկավար Ամիրան Գամղրելիձեն:
Նրա խոսքով, եթե պատվաստվածների թվի լավ ցուցանիշ լինի, երկիրը համեմատաբար հեշտությամբ կանցնի հինգերորդ ալիքը:
«Եթե հնարավորինս պատվաստվենք, կունենանք լավ ցուցանիշ, հինգերորդ ալիքը կլինի համեմատաբար թեթեւ: Եթե մենք չպատվաստվենք, ապա հինգերորդ ալիքը ծանր կլինի: Ամենայն հավանականությամբ, մենք պետք է կորոնավիրուսի հինգերորդ ալիքը սպասենք մինչև նոյեմբերի վերջ», – ասել է Ամիրան Գամղրելիձեն:
