Հայաստանի առողջապահության նախարարի պաշտոնակատար Անահիտ Ավանեսյանն այսօր ասել է, որ համաճարակի ընդհանուր տեմպի նվազմամբ պայմանավորված՝ առաջիկա օրերին կվերացվի բաց տարածքներում պաշտպանիչ դիմակ կրելու պարտադիր կանոնը։
«Հունիսի 1-ից չի գործելու բաց տարածքներում դիմակների կրման պարտադիր պայմանը, հուլիսի 1-ից էլ, որոշ բացառություններով, կանոնը կգործի փակ տարածքներում։ Չպատվաստված մարդիկ հուլիսի 1-ից հետո էլ փակ տարածքներում պարտադիր պետք է կրեն դիմակ»,- ասել է նա։
Ավանեսյանը նաեւ նշել է, որ կարանտինի մասին օրենքը թույլ է տալիս անհրաժեշտության դեպքում մտցնել որոշակի սահմանափակումներ եւ անհրաժեշտության վերացման դեպքում կրկին հանել դրանք։
