Վրաստանի փոխվարչապետ, արտաքին գործերի նախարար Դավիթ Զալկալիանին, Ուկրաինայի արտաքին գործերի նախարար Դմիտրի Կուլեբան, Մոլդովայի արտաքին գործերի նախարար Աուրելի Չոկոյը Կիեւում փոխըմբռնման հուշագիր են ստորագրել՝ Վրաստանի, Մոլդովայի և Ուկրաինայի արտաքին գործերի նախարարությունների միջև՝ «Ասոցացված եռյակ»:
Ստորագրելով հուշագիրը՝ երեք երկրների արտաքին գործերի նախարարությունները համաձայնվում են ստեղծել համատեղ կոորդինացման և համագործակցության ձևաչափ՝ «Ասոցացված եռյակ», որն ուղղված է երեք երկրների եվրոպական ինտեգրման հետագա զարգացմանը:
Հուշագրում բոլոր երեք երկրներն էլ ընդունում են, որ իրենց վերջնական նպատակը ԵՄ անդամակցությունն է՝ ԵՄ պայմանագրի 49-րդ հոդվածի հիման վրա։ Իր հերթին, եռյակը կկատարի Ասոցացման համաձայնագրով ստանձնած իր պարտավորությունները` եվրոպական ինտեգրման վերջնական նպատակին հասնելու համար:
«Ասոցացված եռյակը» միասին կհամագործակցի եվրոպական ինտեգրման համար ընդհանուր հետաքրքրություն ներկայացնող հարցերի շուրջ, այդ թվում՝ Ասոցացման համաձայնագրի իրագործումը և «Արևելյան գործընկերության» հետագա զարգացումը: