Այսօր կորոնավարակի դեմ պատվաստվեց նաև Սամցխե-Ջավախքի նահանգապետ Բեսիկ Ամիրանաշվիլին:
«Ես այսօր պատվաստվել եմ: Երբ կոչ եք անում պատվաստվել քաղաքացիներին, և այլ տարբերակ չկա, առաջին հերթին պետք է օրինակ ծառայել: Պատվաստումը համաճարակը հաղթահարելու, միմյանց մասին հոգ տանելու և մեր շրջապատին պաշտպանելու միակ միջոցն է»,- ֆեյսբուքյան իր էջում գրել է Սամցխե-Ջավախքի նահանգապետը:
Ամիրանաշվիլին պատվաստվել է չինական «Սինոֆարմ» պատվաստանյութով, Ախալցիխեի ռեֆերալ հոսպիտալում:
Հատկանշական է, որ ներկա դրությամբ Սամցխե-Ջավախքի հինգ մունիցիպալիտետում էլ կարելի է պատվաստվել: