Համաձայն Վրաստանի ազգային բանկի, ութերորդ վերանայման ավարտի հետ մեկտեղ ավարտվում է նաև Արժույթի միջազգային հիմնադրամի կողմից աջակցված ծրագիրը, որը մեծացրել է Վրաստանի կայունությունը ցնցումներից և COVID-19 համավարակը հաջող հաղթահարելու ունակությունը:
Ըստ Ազգային բանկի տվյալների, ակնկալվում է, որ Վրաստանի տնտեսությունը կվերսկսի աճը 2021-ի երկրորդ եռամսյակից, իսկ տարվա ընթացքում ՀՆԱ-ն կաճի 3,5%-ով: Միաժամանակ, ըստ Ազգային բանկի, Վրաստանն Արժույթի միջազգային հիմնադրամից լրացուցիչ կստանա 111 միլիոն ԱՄՆ դոլար:
«Մակրոտնտեսական առողջ քաղաքականության և կառուցվածքային բարեփոխումների անցկացումը տնտեսության վերականգնման գործընթացը կդարձնի ավելի կայուն և ներառական: Ապրիլի 9-ին Արժույթի միջազգային հիմնադրամի (ԱՄՀ) Գործադիր խորհուրդն առանց պաշտոնական վերանայման ավարտեց Վրաստանի տնտեսական բարեփոխումների ծրագրի ութերորդ վերանայումը: Այս ծրագիրն իրականացվում է ԱՄՀ-ի 4-ամյա ընդլայնված ֆինանսավորման ծրագրի շրջանակներում: Սա այս ծրագրի վերջնական վերանայումն է, և դրա ավարտից հետո Վրաստանին հասանելի կլինի 78 միլիոն SDR, կամ մոտավորապես 111 միլիոն ԱՄՆ դոլար: Այս թվանշից հետո Վրաստան փոխանցումների ընդհանուր գումարը կկազմի 484 միլիոն SDR (մոտավորապես 687 միլիոն ԱՄՆ դոլար)», – ասվում է Ազգային բանկի տեղեկատվության մեջ:
