Հայաստանում ռազմական դրությունը հանվել է, Ազգային ժողովը կողմ է քվեարկել այն հանելու նախագծին։ Կողմ է քվեարկել 118 պատգամավոր, դեմ և ձեռնպահ՝ 1-ական։
Նախքան քվեարկությունը, ԱԺ «Իմ քայլը» խմբակցության ղեկավար Լիլիթ Մակունցը հայտարարել է, որ իրենք կողմ են քվեարկելու նախագծին։
Հայաստանում 2020 թվականի սեպտեմբերի 27-ից հայտարարված էր ռազմական դրություն: Օրինագիծն ԱԺ էին ներկայացրել ընդդիմադիր ԲՀԿ և ԼՀԿ-ն։
