Կառավարությանը վստահություն հայտնելու հարցը կքննարկվի Վրաստանի խորհրդարանի հանձնաժողովներում:
Այսօր՝ փետրվարի 20-ին, հանձնաժողովների ձևաչափով կանցկացվեն նախարարների պաշտոններում առաջադրված թեկնածուների լսումները և կքննարկվի կառավարության ծրագիրը։
Փետրվարի 21-ին խորհրդարանական հանձնաժողովները կշարունակեն լսել մնացած թեկնածուներին:
Փետրվարի 22-ին վարչապետի թեկնածուն և նախարարների կաբինետը կհանդիպեն քաղաքական խմբերի՝ խորհրդարանական մեծամասնության և ընդդիմության հետ: Նույն օրը, խորհրդարանում՝ լիագումար նիստի ձևաչափով, որոշում կկայացվի վստահություն հայտնելու մասին:
Նախարարների կաբինետում սպասվում են հետևյալ փոփոխությունները. Կառավարությունը կգլխավորի Իրակլի Ղարիբաշվիլին: Պաշտպանության նախարարի պաշտոնում առաջադրվել է Պաշտպանության փոխնախարար Ջուանշեր Բուրճուլաձեն: Մայա Ցքիտիշվիլին լքել է Տարածաշրջանային զարգացման և ենթակառուցվածքների նախարարի պաշտոնը, որին կփոխարինի նրա առաջին տեղակալ Իրակլի Քարսելաձեն: Մնացած բոլոր նախարարները մնում են իրենց պաշտոններում:
