«Վրացական երազանք»-ը վարչապետի թեկնածու է անվանել Իրակլի Ղարիբաշվիլիին: Որոշումն ընդունվել է մի քանի րոպե առաջ, «Վրացական երազանք-ժողովրդավարական Վրաստան» կուսակցության քաղաքական խորհրդի այսօրվա նիստում:
Վարչապետի պաշտոնում թեկնածուի առաջադրումն անհրաժեշտ դարձավ այն բանից հետո, երբ Գիորգի Գախարիան հրաժարական տվեց: Իր հրաժարականի մասին Գախարիան հայտարարել է այսօր կառավարության վարչակազմում կայացած ճեպազրույցում:
Իրակլի Ղարիբաշվիլին մեկ անգամ արդեն զբաղեցրել է Վրաստանի վարչապետի պաշտոնը, 2013 թվականի նոյեմբերի 20-ից 2015 թվականի դեկտեմբերի 24-ը: Այժմ նա Պաշտպանության նախարարի պաշտոնն է զբաղեցնում:
