«Ազգային շարժման» նախագահ Նիկա Մելիայի պատգամավորական անձեռնմխելիության կասեցման հարցն այսօր քվեարկության կդրվի խորհրդարանի լիագումար նիստում: Լիագումար նիստում քվեարկությունից առաջ քննչական մարմնի միջնորդությունը քննարկելու համար սպասում են դատախազ Ամիրան Գուլուաշվիլիին:
Հարցը կքննարկվի Ընթացակարգային հարցերի և կանոնակարգերի ու Իրավական հանձնաժողովների համատեղ նիստում:
Խորհրդարանական ընդդիմության ներկայացուցիչները աջակցություն չեն հայտնի Նիկա Մելիայի պատգամավորական անձեռնմխելիության կասեցմանը, մինչդեռ իշխող թիմից ասում են, որ բոլորը հավասար են օրենքի առջև, և եթե Նիկա Մելիան չվճարի գրավը, մեծամասնությունը կբավարարի դատախազության միջնորդությունը:
Նիկա Մելիայի փաստաբաններ՝ Գիորգի Կոնդախիշվիլին, Դիմիտրի Սաձագլիշվիլին և Բեքա Բասիլաիան պատրաստվում են ժամը 10:00-ին մասնակցել խորհրդարանում համատեղ հանձնաժողովների նիստին և հարցեր հղել դատախազին: «Ազգային շարժման» նախագահն այս մասին գրել է սոցիալական ցանցում:
