Հոկամ, Ազմանա, Քարսեպ, Ափնիա, Գոգաշեն գյուղերն իրար կապող ճանապարհահատվածը՝ Հոկամ գյուղի դպրոցից մինչև Քարսեպ գյուղ, կվերականգնվի 2021 թվականին: Այս աշխատանքների էլեկտրոնային մրցույթն արդեն հայտարարված է:
Ախալքալաքի մունիցիպալիտետի հինգ գյուղերն (Հոկամ, Ազմանա, Քարսեպ, Ափնիա, Գոգաշեն) իրար միացնող ճանապարհը կվերականգնվի 2021 թվականին: Վերանորոգման աշխատանքները կսկսվեն մոտավորապես ապրիլ ամսին:
Ըստ Ախալքալաքի քաղաքապետարանի Էկոնոմիկայի եւ ենթակառուցվածքների բաժնի մասնագետ Ռազմիկ Նահատակյանի, այս պահի դրությամբ մրցույթն արդեն հայտարարված է: Ըստ նրա, կվերանորոգվի 2 կմ 920 մ ճանապարհը՝ Հոկամ գյուղի դպրոցից մինչեւ Քարսեպ գյուղի մոտակայք:
Ախալքալաքի քաղաքապետարանը այս ճանապարհի վերականգնման համար էլեկտրոնային մրցույթը հայտարարել է հունվարի 12-ին՝ 1 325 845 լարիի չափով: Հայտերի ընունումը կշարունակվի մինչև փետրվարի 3-ը:
Այս ենթակառուցվածքային աշխատանքներն 95%-ով ֆինանսավորվում է պետական բյուջեից, իսկ մնացած 5%-ը հատկացվում է տեղական բյուջեից:
