Վրաստանում նոյեմբերի 28-ից մինչև հունվարի 31-ը ներառյալ Covid-սահմանափակումներ են մտցվել, սակայն դեկտեմբերի 24-ից հունվարի 2-ը սպասվում են որոշակի մեղմացումներ։ JNEWS-ն առանձնացրել և ընդգծել է սահմանափակումների մեղմացման ոլորտներն ու ժամանակահատվածը:
Միջգերատեսչական համակարգող խորհրդի որոշման համաձայն՝ նոյեմբերի 28-ից հունվարի 31-ը, երկրում գործում են հետևյալ սահմանափակումները՝
– Տեղաշարժը ժամը 21:00-ից 05:00-ն՝ ինչպես հետիոտնի, այնպես էլ տրանսպորտային միջոցների համար, ինչպես նաև հասարակական տարածքում գտնվելն արգելվում է, սակայն բացառություն է Ամանորի՝ դեկտեմբերի 31-ի գիշերը և Սուրբ ծննդյան՝ հունվարի 6-ի գիշերը:
– Արգելվում է ուղևորների կանոնավոր միջքաղաքային փոխադրումը, այդ թվում՝ երկաթուղով, ավտոբուսով, միկրոավտոբուսով: Ավտոմեքենաների (ներառյալ տաքսիները) սահմանափակումներ չկան:
– Ռեստորաններն ու սննդի կետերը ամբողջությամբ կանցնեն առաքման ծառայության:
– Արգելվում է մարզադահլիճների և լողավազանների աշխատանքը:
– Արգելվում է բոլոր տեսակի գիտաժողովներ, դասընթացներ, մշակութային, ժամանցային միջոցառումների անցկացումը, թույլատրելի է միայն առցանց ձևաչափով:
– Արգելվում է սպորտային, արվեստի և մշակույթի խմբակների/ստուդիաների գործունեությունը:
Մեծ քաղաքներում՝ Թբիլիսի, Բաթումի, Քութայիսի, Ռուսթավի, Գորի, Փոթի, Զուգդիդի, Թելավի և լեռնադահուկային հանգստավայրերում՝ Բակուրիանիում, Գուդաուրիում, Գոդերձիում և Մեստիայում կգործեն լրացուցիչ սահմանափակումներ.
– Թբիլիսի, Թելավի, Բաթումի, Քութայիսի, Ռուսթավի, Գորի, Փոթի, Զուգդիդի քաղաքներում սահմանափակ է հասարակական տրանսպորտի աշխատանքը,
– Առևտրի օբյեկտները (բացառությամբ սննդի, կենդանիների կերերի, դեղատների, անասնաբուժական դեղատների, կենցաղային քիմիական նյութերի և հիգիենայի խանութների և մամուլի կրպակների) գործում են միայն հեռակա կարգով,
– Բաց և փակ տոնավաճառները չեն գործում, շարունակում են գործել ագրարային շուկաները,
– Դպրոցները, արհեստագործական դպրոցները և բարձրագույն ուսումնական հաստատությունները (բացի բժշկական կրթական ծրագրերից) ամբողջությամբ անցել են հեռավար ուսուցման ռեժիմի,
– Մասնավոր և պետական մանկապարտեզները դադարում են աշխատել:
Դահուկային հանգստավայրերում.
– Հյուրանոցների աշխատանքը թույլատրվում է միայն կարանտինային տարածքներ կազմակերպելու համար,
– Նաև դադարեցվում է լեռնադահուկային մայրուղիների և դահուկային ճոպանուղիների աշխատանքը:
Կարևոր է իմանալ, որ դեկտեմբերի 24-ից մինչև հունվարի 2-ը վերոնշյալ սահմանափակումները մեղմացվում են
Այսպիսով՝
– Կաշխատեն առևտրի կենտրոնները, բաց և փակ տոնավաճառները,
– Կվերականգնվի ինչպես քաղաքային, այնպես էլ միջքաղաքային տրանսպորտի աշխատանք:
Հունվարի 3-ից մինչև հունվարի 15-ը
– Հայտարարվում են հանգստյան օրեր
– Նոյեմբերի 28-ից դեկտեմբերի 24-ը գործող բոլոր սահմանափակումները վերականգնվում են
– Չի աշխատում պետական կամ մասնավոր հաստատություն, բացառությամբ բանկերի և ռազմավարական նշանակության օբյեկտների ու ծառայությունների:
Հունվարի 16-ից մինչև 31-ը
– Կվերականգնվի քաղաքային և միջքաղաքային տրանսպորտի, առևտրի օբյեկտների, բաց և փակ տոնավաճառների աշխատանքը,
– Շաբաթ-կիրակի տրանսպորտը, առևտրի օբյեկտներն ու տոնավաճառները դադարում են աշխատել:
Այս ժամանակահատվածում սահմանափակումները չեն վերաբերում բոլոր մյուս տնտեսական գործողություններին.
1. Պետական և մասնավոր շինարարական-վերանորոգման աշխատանքներին
2. Բանկային և ֆինանսական գործունեությանը
3. Սննդամթերքի, կենդանիների կերի, դեղատների, անասնաբուժական դեղատների, կենցաղային քիմիական նյութերի և հիգիենայի խանութների և մամուլի կրպակների աշխատանքին
4. Առաքման և «անձամբ վերցնելու» ծառայություններին
5. Գեղեցկության սրահների և էսթետիկ բժշկության կենտրոնների աշխատանքին
6. Ավտոմեքենաների տեխնիկական սպասարկման և տեխնիկական զննման ծառայություններին
7. Կենցաղային տեխնիկայի վերանորոգման ծառայություններին
8. Ագրարային շուկայի գործունեությանը և այլն:
Ավտոմեքենաներով երթևեկությունը (ներառյալ տաքսի) չի սահմանափակվում:
