Զինված անձը Թբիլիսիի Ծերեթելի պողոտայի միկրոֆինանսական կազմակերպություններից մեկում 9 պատանդ է վերցրել: Նա տեսանյութի միջոցով ներկայացրել է իր պահանջները: Նա օրենսդրական փոփոխություններ է պահանջում:
Ինչպես երևում է պատանդներից մեկի կողմից նկարահանված տեսանյութից՝ պատանդ վերցրած անձը պահանջում է, որ նախկին խորհրդարանի բոլոր պատգամավորները հավաքվեն, որպեսզի ընդունեն երեք օրենք.
1. Վրաստանում արգելեն բոլոր տեսակի ազարտային խաղերը:
2. Որպեսզի վարկերի տարեկան տոկոսադրույթքը բոլորի համար 7% լինի, և նրանց համար, ովքեր արդեն բարձր տոկոսադրույքով վարկ ունեն:
3. Որպեսզի դեղատները 10% շահույթ ունենան, ոչ ավելին:
Տեսանյութից դատելով, պահանջողը ոչ սթափ վիճակում է գտնվում, ինչպես նաև տեսանյութից պարզ է դառնում, որ շենքի ներսում սպառնալիք, լարված իրավիճակ չկա: Շենքում գտնվող մարդիկ կատակում են և ցույց են տալիս պատանդ վերցնողին: Նա չի թաքցնում իր դեմքը, չի վախեցնում մարդկանց, ինչպես նաև նրա մոտ զենք չի երևում:
Սոցցանցերում տարածվող տեսանյութերից պարզ է դառնում, որ 9 մարդու պատանդ վերցրած անձը սկզբից ուզեցել է ինքն իրեն նկարել, սակայն չի ստացվել, արդյունքում տեսանյութը շենքում գտնվողները, այսինքն՝ պատանդներն են նկարահանել:
