Ախալքալաքի մունիցիպալիտետում կարտոֆիլի բերքահավաքն ավարտված է, մարդիկ գոհ են բերքից, սակայն գոհ չեն գնից ու գնորդների բացակայությունից:
Ախալքալաքի մունիցիպալիտետում 1 կգ կարտոֆիլը վաճառում են 50-65 թեթրիով: Այժմ, պահեստավորման համար, ընթանում է բերքի տեսակավորման գործընթացը: Նրանք, ովքեր կարող են դեռ չվաճառել, պահում են, որպեսզի հետո վաճառեն, եթե գինը բարձրանա: Այս տարի կարտոֆիլի բերքը, ըստ հողագործների, շատ լավն է, չնայած այն փաստին, որ կարկուտը խփել էր որոշ դաշտերի, սակայն գյուղացիներն այսօր մտահոգված են իրացման խնդրով, գնորդներ չկան, և գինն, ըստ նրանց, շատ ցածր է:
«Բերքը շատ լավն է, այն արդեն հավաքվել ենք, բայց գնորդներ չկան, և գինն էլ շատ ցածր է: Մի փոքր մասը տարանք Թբիլիսի, վաճառել ենք որոշ ծախսեր հոգալու համար, իսկ մնացած մասը տեսակավորվել և պահեստավորվել ենք պահեստներում », – ասում է Օրջա գյուղի բնակիչ Քուրդօղլյանը:
«Ես գոհ եմ բերքից, այս տարի բոլորը լավ բերք ունեն, բերքը հաջող էր շրջանում: Հատկապես այն վայրերում, որտեղ կար ոռոգման հնարավորություն: Հիմա մենք չենք կարող վաճառել, մենք բարձր գնի հույս ունեինք: Նույնիսկ այս տարի ես մի փոքր շատացրել էի կարտոֆիլի դաշտերս », – ասում է ֆերմերը Արագվա գյուղից:
Վրաստանի գյուղատնտեսության նախարարության զարգացման գործակալության Ախալքալաքի տեղեկա-խորհրդատվական կենտրոնի գլխավոր մասնագետ Ռամազ Գոգոլաձեն հաստատում է, որ այս տարի, իրոք, շրջանում հավաքվել է կարտոֆիլի լավ բերք, բայց իրացման խնդիր կա:
«Բերքը լավն է, բայց իրացման խնդիր կա, գնորդները քիչ են, ֆերմերները կարտոֆիլը տեսակավորում և պահում են: Դեռևս չեմ կարող թվերով ասել բերքատվության մասին, մենք դեռ գյուղերից տվյալներ չենք հավաքել », – ասաց Ռամազ Գոգոլաձեն:
Ախալքալաքի բիզնես կենտրոնի տնօրեն Մախարե Մացուկատովը պնդում է, որ կարտոֆիլի ցածր գինը պայմանավորված է նրանով, որ հիմա շուկայում կարտոֆիլը շատ է, իսկ դա մի քանի պատճառ ունի:
«Այս տարի բերքը շատ լավն էր, չնայած կարկուտը փչացրել էր այն որոշ գյուղերում, բայց վեգետացիայի շրջան էր, և բերքը վերականգնվեց: Բացի այդ, շրջանում կարտոֆիլի դաշտերի տարածքը մեծացել է: Բերքատվությունը, կարելի է ասել, 1 հա-ից կազմում է մոտավորապես 25 տոննա: Մինչ այժմ դրսից կարտոֆիլ չի ներմուծվել Վրաստան: Պարզապես միանգամից բոլորը հավաքեցին և սկսեցին վաճառել: Մարդիկ վարկեր, պարտքեր ունեն, և դրա պատճառով հիմա շուկայում շատ կարտոֆիլ կա, և գինը ցածր է », – ասում է Մախարե Մացուկատովը:
