ԵՄ արտաքին կապերի ծառայությունը հայտարարություն է տարածում Վրաստանի Գերագույն դատարան դատավորների ընտրության հետ կապված:

«Սեպտեմբերի 30-ին Վրաստանի խորհրդարանն ընդունեց օրենսդրական փոփոխություններ, որոնք նպատակ ունեն վերանայել Գերագույն դատարանի դատավորների ընտրության ընթացակարգը: ԵՄ-ն և այլ բարձրաստիճան դիտորդներ բազմիցս մտահոգություն են հայտնել ընտրության գործընթացում առկա թերությունների վերաբերյալ:

Դժբախտաբար, խորհրդարանը չսպասեց Վենետիկի հանձնաժողովի անհրաժեշտ եզրակացության հրապարակմանը այս օրենսդրության վերաբերյալ, որը անձամբ էր խնդրել, և որին սպասում էին առաջիկա օրերին: Դա բաց թողնված հնարավորություն էր՝ գործընթացում հասարակության վստահությունը բարձրացնելու համար:

ԵՄ-ն կգնահատի օրենսդրությունը և դրա հետևանքները՝ հաշվի առնելով Վենետիկի հանձնաժողովի ապագա եզրակացությունը և ակնկալում է, որ Վրաստանը կրկին կշարունակի դիտարկել ընտրության գործընթացի կանոնները՝ համաձայն Վենետիկի հանձնաժողովի հանձնարարականների:

Դատական համակարգում ամենաբարձր բարոյական չափանիշներին համապատասխանելը և բարեխղճությունը Վրաստանի քաղաքացիների և միջազգային գործընկերների, ինչպես նաև Վրաստանի և ԵՄ-ի միջև գործընկերության զարգացման համար Վրաստանի վստահության բանալին են հանդիսանում», – ասված է ԵՄ արտաքին կապերի ծառայության մամուլի խոսնակի հայտարարության մեջ: