Վրաստանի կառավարության որոշմամբ՝ երկրի մասշտաբով, այդ թվում Թբիլիսիում, այսօրվանից ժամանակավորապես դադարեցվում է միկրոավտոբուսների սպասարկումը:

Սահմանափակումը կապված է կորոնավիրուսի տարածման կանխարգելման հետ:

Բնակչությանը կսպասարկի հասարակական տրանսպորտը՝ մետրոն և ավտոբուսները:

Թբիլիսիի քաղաքապետ Կախա Կալաձեի հայտարարությամբ, որոշումը կայացրել է համակարգող խորհուրդը՝ մասնագետների հանձնարարականի հիման վրա:

«Հաշվի առնելով, որ մանկապարտեզներում և դպրոցներում ուսումնական պրոցեսը դադարեցված է, բնակչությանը մի շարք ծառայությունների մատուցումը սահմանափակ է, և հետևաբար օրվա ընթացքում ավելի քիչ մարդ է տեղաշարժվում քաղաքում, մենք կկարողանանք սպասարկել բնակչությանը քաղաքային տրանսպորտով` մետրոյով և ավտոբուսներով», – ասել է Կալաձեն: