Խաս Բախչա այգում, խաղահրապարակի դիմաց, այսօր նկարում են գունավոր գրաֆիտիներ հրթիռների տեսքով, որոնցում գծագրված են կլասիկներ: Ծրագրի նպատակն է հետաքրքրություն առաջացնել երեխաների մոտ և նրանց մոտիվացնել ակտիվ և առողջ ապրելակերպին:

Միջոցառումն իրականացվում է պետական առողջապահական ծրագրի շրջանակներում, որն անցկացվում է Հանրային առողջության վերահսկման ազգային կենտրոնի հովանու ներքո:

«Մեր ծրագրի նպատակն է երիտասարդներին ցույց տալ, որ կան ֆիզիկական ակտիվության տարբեր ձևեր, որպիսի երեխաները գամված չլինեն պլանշետներից և հեռախոսներից, այլ դուրս գան բակ, ինչպես նախկինում էր: Այդ իսկ պատճառով, մենք նկարում ենք այս գեղեցիկ ու հիասքանչ կլասիկները, որը բոլորը մանուկ հասակում խաղացել են, որպեսզի ավելի շատ հետաքրքրենք նրանց», – պատմում է «Georgian Health Promotion and Education foundation» ոչ կառավարական կազմակերպության ներկայացուցիչ Գիորգի Մաղրաձեն:

Ծրագիրը կոչվում է «Վերադարձնենք մեր բակերը»: Ծրագրի շրջանակներում նախատեսվում է նման գրաֆիտիներ նկարել Վրաստանի 8 քաղաքներում:

«Ես շատ ուրախ եմ տեսնել, որ Ախալքալաքում շատ երեխաներ կան, որոնք հեծանիվներ են քշում և տարբեր խաղեր են խաղում: Նաև ուզում եմ շնորհակալություն հայտնել մունիցիպալիտետի ներկայացուցիչներին, որոնք օգնեցին ընտրել մեր գրաֆիտիի համար հարմար տեղ, որը կլինի երեխաների համար տեսանելի վայրում», – կիսվեց Գիորգին:

Ամալյա Բաբայան