Ռուս զբոսաշրջիկները պետք է կարողանան գալ Վրաստան՝ չնայած Մոսկվայի և Թբիլիսիի քաղաքական խնդիրներին: Այդ մասին հայտարարել է Վրաստանի նախագահ Սալոմե Զուրաբիշվիլին:

Ռուսաստանի նախագահ Վլադիմիր Պուտինը հուլիսի 8-ից արգելել է ռուսական ավիաընկերությունների թռիչքը դեպի Վրաստան: Փաստաթղթում նշվում է, որ դրանք անվտանգության նպատակներով ժամանակավոր միջոցներ են:

Այս որոշումը կայացվել է Ուղղափառության միջխորհրդարանական վեհաժողովի (IAO) սկանդալից հետո, որին մասնակցում էր նաև ռուսական պատվիրակությունը։ Մայրաքաղաքում սկսված բողոքի ալիքից կարճ ժամանակ անց ռուսաստանյան պատվիրակները երկրից հեռացան:

«Զբոսաշրջիկները պետք է կարողանան գալ այստեղ, որովհետև նրանք պաշտում են Վրաստանը, և քաղաքական գործիչներն ու ղեկավարները պետք է լուծում գտնեն միջադեպի պատճառ դարձած խնդրի լուծման համար: Այս խնդիրը լուծելու համար վրացական տարածքները վերամիավորելը չպետք է որևէ կերպ ազդի զբոսաշրջիկների և բնակչության վրա, չպետք է ազդի խաղաղ միջավայրի վրա», – ասել է Զուրաբիշվիլին:

Նա նաև նշել է, որ Ռուսաստանի հետ լարվածությունը երկար պատմություն ունի։

«Սակայն դա չի խանգարել, որ կես միլիոն զբոսաշրջիկ այցելի մեր երկիր, իսկ այցելուների և տեղի բնակչության մեջ երբեք որևէ լարվածություն չի եղել», – ասել է Զուրաբիշվիլին: