Վաղը, մայիսի 16-ին, Ախալքալաքում կանցկացվեն Եվրոպայի օրվան նվիրված միջոցառումներ:
Միջոցառումները կսկսվեն վաղը, ժամը 14:00-ին, Խաս Բախչա քաղաքային այգում: Ախալքալաքում կանցկացվեն մշակութային, սպորտային և այլ ժամանցային միջոցառումներ: Բացի այդ, կազմակերպիչները բոլորին հրավիրում են իրենց հեծանիվներով մասնակցելու հեծանվային մարաթոնին:
Վրաստանում Եվրոպայի օրերը նշվում է 7-րդ անգամ: Ամբողջ Վրաստանում անցկացվում է մինչև 80 միջոցառում:
Ախալքալաքում տեղի ունեցող միջոցառումները կազմակերպվում են Վրաստանի արտաքին գործերի նախարարության և Սամցխե-Ջավախքում ՆԱՏՕ-ի և Եվրամիության կենտրոնի կողմից:
