| Տարեսկզբին գործարկվեց կուտակային կենսաթոշակի նոր համակարգ, որին միացան բոլոր աշխատող անձինք : Ապրիլի 1-ից 40-ից բարձր անձինք կարող են հրաժարվել մասնակցել այս համակարգին: «Կենսաթոշակային գործակալության» տնօրեն Լեւան Սուրգուլաձեի խոսքերով, 40-ից բարձր աշխատող անձինք կունենան երկու ամիս ժամանակ կենսաթոշակային համակարգից դուրս գալու համար: «Աշխատողը, ում 40 տարին լրացել է մինչեւ 2018 թվականի օգոստոսի 6-ը, կարող է ապրիլի 1-ից մինչեւ մայիսի 31-ը ներառյալ դուրս գալ կենսաթոշակային համակարգից: Դրա համար հարկավոր է համապատասխան դիմումով ուղղակի դիմել կենսաթոշակային գործակալությանը: Ինչ վերաբերում է տարածաշրջաններին, ապա 69 տեղայնքների սոցիալական ծառայության գործակալություններում մենք կունենանք օպերատորներ, ովքեր կօգնեն կենսաթոշակային համակարգից դուրս գալ ցանկացողներին : Հաշվի առնելով, որ այդ միջոցները ներդրվում են երկարաժամկետ ֆինանսական գործերում, մենք պետք է անպայման իմանանք, թե ով է մնում », – ասել է Լեւան Սուրգուլաձեն: Նա պարզաբանել է, որ ընթացակարգը կլինի պարզ եւ, դուրս գալով համակարգից, ցանկության դեպքում, 40 տարեկանից բարձր մարդիկ կարող են կրկին վերադառնալ: Ըստ Սուրգուլաձեի, վերջին երկու շաբաթվա ընթացքում «Կենսաթոշակային գործակալությունը» հաշվապահների համար անցկացրել է 30 թրեյնինգ: |
