«Միասին՝ ընդդեմ բռնության և անպատժելիության» կարգախոսի ներքո քաղաքացիները բողոքի երթ են անցկացնում Ֆիլհարմոնիայից։

Այսօրվա ավանդական շաբաթօրյա երթը կապված է «TV Pirveli» հեռուստաալիքի եթերում ցուցադրված կադրերի հետ, որտեղ երևում է, թե ինչպես են իրավապահները ոստիկանական բաժանմունքում ծեծի ենթարկում քաղաքացիներին։

Երթի մասնակիցները կրում են պաստառներ՝ «Համակարգը պետք է փլուզվի», «14 արյունալի տարի», «Ու՞մ դիմենք, երբ ոստիկանությունն է բռնություն կիրառում» գրություններով։

Նրանք նաև իրենց ձեռքում պահում են բողոքի ակցիաների ընթացքում տուժած քաղաքացիների լուսանկարները, որոնց նկատմամբ, նրանց խոսքով, ոստիկանությունը բռնություն է կիրառել։

«Պայքար մինչև վերջ»․ վանկարկում են ակցիայի մասնակիցները։