«Green Way» ընկերությունն, որն Ախալքալաքում ժամանակավորապես պետք է անցկացնի ավտոտեխզննում, երկուշաբթի օրվանից ավտոմեքենաները կսկսի ընդունել:

«Green Way» ընկերության տնօրեն Մալխազ Նադիրաձեն, մեզ հետ հեռախոսազրույցում, խոստացավ, որ երկուշաբթիից սկսած նրանք կսկսեն ընդունել հաճախորդներին:

«Հոսանքն արդեն անցկացված է, ես սպասում եմ, որ այսօր իմ աշխատողներն ևս մի քանի սարքավորում տեղադրեն, շաբաթ օրը կիրականացնենք թեստային ստուգում և երկուշաբթի օրվանից կսկսենք ընդունել», — ասաց Մալխազ Նադիրաձեն:

Նրա խոսքերով, նրանք հնարավոր է աշխատեն նաև շաբաթ օրերին, բայց կիրակի օրը նրանց հանգստյան օրն է:

«Green Way» ընկերությունը գործելու է Վաչիանի ավտոմայրուղու վրա գտնվող բենզալցակայանի տարածքում, նախկին №1 զինվորական ավանի մոտակայքում:

Խոսպիո գյուղի մոտ կառուցվում է Ախալքալաքի տեխնիկական զննման կենտրոնը, իսկ մինչ այդ տեխզննումը կանցկացվի ժամանակավոր շարժական կենտոնում:

Ախալքալաքի ժամանակավոր շարժական կենտրոնի աշխատանքային ժամերն են` ժամը 10: 00-ից մինչև 19: 00-ն:

Ծանոթացեք նաև հետևյալ նյութին՝

Մանրամասներ ավտոմեքենայի տեխզննում անցնելու մասին

Շուշան Շիրինյան