Նինոծմինդայի ֆուտբոլի թիմն առաջին տեղը գրավեց պատանեկան մրցաշարում:

Այս օրերին Նինոծմինդայում ընթանում էր պատանեկան ֆուտբոլային մրցաշար նվիրված Արտաշես Մարկոսյանի հիշատակին: Ֆուտբոլիստները խաղում էին Նինոծմինդայի Վլադիմիր և Հայոս Ղարսլյան եղբայրների անվան մարզադաշտում:

Ֆուտբոլի պատանեկան առաջնությանը մասնակցում էին Նինոծմինդայի շրջանի 8 թիմեր: Առաջին տեղը գրավեց Նինոծմինդայի թիմը, երկրորդ տեղը՝ Ժդանովական գյուղի թիմը և երրորդ տեղը՝ Օրոջալար գյուղի թիմը:

Մրցանակային տեղեր գրաված թիմերը մեդալներ ստացան, իսկ գավաթը փոխանցվեց Նինոծմինդայի թիմին: Մրցաշարը կազմակերպել էր Նինոծմինդայի վարչության մշակույթի և կրթության, սպորտի և հուշարձանների պահպանության ծառայությունը, ֆինանսական աջակցությամբ Արտաշես Մարկոսյանի որդու՝ Խաչատուր Մարկոսյանի:

Նշենք, որ Արտաշես Մարկոսյանը ծնունդով Ժդանովական գյուղից էր և դարբասապահ: Նա խաղացել է Երևանի «Արարատ» թիմի կազմում, ինչպես նաև եղել է Նինոծմինդայի «Փարվանա» թիմի մարզիչը:
DSC_0005

DSC_0056

DSC_0076

DSC_0093

DSC_0114

DSC_0128
Բորիս Ղարսլյան