Հոկտեմբերի 8-ին մեկնարկում է վրացերեն լեզվի «1+4» ծրագրից օգտվող ուսանողների ստաժավորման ծրագրի աշնանային փուլը:
Հաշտեցման և քաղաքացիական հավասարության հարցերով պետական նախարարությունից հայտնում են, որ 2018-ի աշնանային ընդունելության համար 500 թափուր տեղ է սահմանված: Ծրագիրն իրականացվում է 2017 թվականից՝ պետնախարար Քեթևան Ցիխելաշվիլիի նախաձեռնությամբ: «1+4» ծրագրով վրաստանյան բուհերում սովորող էթնիկ փոքրամասնությունների ներկայացուցիչ քաղաքացիները հնարավորություն են ստանում ստաժավորում անցնել երկրի պետհաստատություններում, կենտրոնական և տեղական ինքնակառավարման մարմիններում։
Ազգային փոքրամասնությունների ներկայացուցիչները ներգրավվելու են ստաժավորման գործընթացում` հոկտեմբերի 8-ի մրցույթի արդյունքում: Դիմումների ընդունման վերջնաժամկետն է հոկտեմբերի 22-ը։
Ստաժավորումը կտևի 1-ից 6 ամիս։
