Կառավարությունում կատարվում են կադրային և կառուցվածքային փոփոխություններ: Վրաստանի վարչապետ Գիորգի Կվիրիկաշվիլին այսօր արտակարգ ճեպազրույցի ժամանակ հայտարարեց կատարված փոփոխությունների մասին:
Միավորվում են Էներգետիկայի նախարարությունը, Էկոնոմիկայի և բնապահպանության նախարարության բնական պաշարների բաղադրիչը:
Էկոնոմիկայի և կայուն զարգացման նախարարի պաշտոնը կստանձնի Դմիտրի Կումսիշվիլին, ով կպահպանի առաջին փոխվարչապետի կարգավիճակը և համակարգելու է տնտեսական թիմի աշխատանքը:
Վրաստանի Ներքին գործերի նախկին նախարար Գիորգի Մգեբիշվիլին կղեկավարի Արտակարգ իրավիճակների կառավարման կենտրոնը: Կենտրոնը կձևավորվի Ճգնաժամային կառավարման խորհրդի և Արտակարգ իրավիճակների կառավարման գործակալության միավորման արդյունքում: Այս բաժինը ենթարկվելու է վարչապետին:
«Այն հագեցած կլինի գործառնական գործառույթներով և համապատասխան սարքավորումներով, բաժին, որն անմիջականորեն կենթարկվի վարչապետին: Իր փորձի շնորհիվ Գիորգի Մգրեբիշվիլին այս կառույցի լավ ղեկավար կլինի», – հայտարարել է Կվիրիկաշվիլին:
Ներքին գործերի նախարար, Գիորգի Գախարիան նշանակվելու է Ներքին գործերի նախարար:
«Ներքին գործերի նախարարության դերը, ոստիկանի հեղինակությունը, հանցավորության դեմ պայքարը և հասարակական կարգը` մեր կարևոր առաջնահերթություններն են, և այդ կարևորությունը շեշտելու համար, Ներքին գործերի նախարարը կստանձնի նաև փոխվարչապետի պաշտոնը: Գիորգի Գախարիան ընտրվեց այս պաշտոնում, հաշվի առնելով նրա ղեկավարչական հատկությունները: Մենք վստահ ենք, որ նա կլինի հաջողակ նախարար», – հայտարարել է Գիորգի Կվիրիկաշվիլին:
Կրթության և գիտության նախարարությունը միավորվում է Երիտասարդության և սպորտի նախարարության երիտասարդության հարցերով բաժնի բաղադրիչի հետ, պաշտոնը կզբաղեցնի Թբիլիսիի պետական համալսարանի պրոռեկտոր Միխայիլ Չխենկելին:
Կվիրիկաշվիլիի խոսքերով, Միխայիլ Չխենկելին հայտնի է ակադեմիական շրջանակներում և բազմաթիվ մրցանակներ ունի կրթության ոլորտում և սերտ մասնագիտական կապեր բազմաթիվ առաջատար բուհերի հետ:
Ֆինանսների նախարարը կլինի Մամուկա Բախտաձեն: Նա «Վրացական երկաթուղիների» ղեկավարն է: Տեխնիկական գիտությունների դոկտոր է, պաշտպանել է բիզնես կառավարման մագիստրոսի աստիճան Ֆրանսիայի Բիզնես կառավարման Եվրոպական ինստիտուտի հայտնի դպրոցում:
«Նա ունի լավ կրթություն և փորձ: Նա «Վրացական երկաթուղիների» կառավարման պայմաններում ցույց տվեց կոնկրետ արդյունքներ: Հենց այդ ժամանակահատվածում «Վրացական երկաթուղիներն» ինտեգրվեց Մետաքսի ճանապարհի միջանցքին: Շատ ակտիվ աշխատանք է սկսվել նոր տարանցիկ միջանցքի ստեղծման գործում, որը միավորում է Ծոցի երկրները և Սև ծովի, ներդրվել են ժամանակակից կառավարման համակարգեր և ներդրվել նոր ժամանակակից միացություններ», – հայտարարել է Կվիրիկաշվիլին:
Բնապահպանության նախարարությունը միանում է Գյուղատնտեսության նախարարությանը: Բնապահպանության և գյուղատնտեսության նախարարի պաշտոնը կզբաղեցնի Լևան Դավիթաշվիլին:
«Մեր երկրի համար երկու կարևոր ոլորտների համակցությունը, գյուղատնտեսության և շրջակա միջավայրի պաշտպանության նախարարությունը, փորձարկվել են շատ զարգացած երկրներում: Հենց այսպիսի մոդել է գործում նաև Իսպանիայում, Ավստրիայում, Նիդեռլանդներում, նման մոդելներ գործում են Պորտուգալիայում, Ֆրանսիայում, Իտալիայում և Բուլղարիայում: Այս մոտեցումը կապահովի երկու ուղղությունների հզորացում», – հայտարարել է Կվիրիկաշվիլին:
Երիտասարդության հարցերով և սպորտի նախարարությունը կվերացվի: Սպորտի բաղադրիչը կմտնի Մշակույթի նախարարության կազմում, և երիտասարդության կառավարման բաղադրիչը Կրթության նախարարության կազմում: Մշակույթի և հուշարձանների պահպանության նախարարությունը կգլխավորի Միխայիլ Գիորգաձեն:
Եվրոպական և Եվրոատլանտյան կառույցների ինտեգրման հարցերով նախարարի գրասենյակը միանում է Արտաքին գործերի նախարարությանը, իսկ նախարարի պաշտոնը կզբաղեցնի փոխվարչապետ Միխայիլ Ջանելիձեն:
«Նոր մարտահրավերները, որոնք մենք ունենք եվրաինտեգրման ուղղությամբ, ենթադրում է ավելի լայն համատեքստ, որը մեր արտաքին քաղաքականության գերակա և հիմնական ուղղությունն է: Այն փաստը, որ այդ ուղղությունը ղեկավարում է փոխվարչապետը, ցույց է տալիս եվրոպական և եվրատլանտյան ինտեգրման հետ կապված ներքին բարեփոխումները համակարգելու անհրաժեշտությունը», – հայտարարել է Կվիրիկաշվիլին:
Փոփոխությունների փաթեթում կմտցվի նաև Արտաքին հետախուզության ծառայության միավորումը Պետական անվտանգության ծառայության հետ:
Այս փոփոխությունները կվերանայվեն և կհաստատվեն կառավարության նիստում, որից հետո փաստաթութը կուղարկվի Խորհրդարան:
