Սամցխե-Ջավախքի շրջանի Աբասթումանի հանգստավայրի մոտ գտնվող անտառում նախօրեին հրդեհ է առաջացել: Ներքին գործերի նախարարության տվյալներով, Արտակարգ իրավիճակների կառավարման գործակալության ավելի քան 1000 աշխատակիցներ, Վրաստանի Ներքին գործերի նախարարության հատուկ հանձնարարությունների բաժինը և Պահպանվող տարածքների գործակալությունը պայքարում են կրակի դեմ:
Վրաստանը բանակցում է Իրանի և Ադրբեջանի հետ օգնություն ստանալու համար անտառի հրդեհաշիջման գործում, ասվում է Վրաստանի ՆԳՆ-ի այսօր տարածած հայտարարության մեջ:
Կրակի հանգցնումը բարդացնում է բարդ ռելիեֆը՝ հրդեհը ծագել է անանցանելի անտառային տարածքում, և բռնկման վայրին մոտենալու համար անհրաժեշտ է կտրել ճանապարհը: Ամբողջ գիշեր վայրում աշխատել է ծանր տեխնիկան:
Հրդեհի մարմանը մասնակցում է Վրաստանի Ներքին գործերի նախարարության սահմանային ոստիկանության ուղղաթիռը: Բացի այդ, այսօր Վրաստան է ժամանել հատուկ ինքնաթիռ, որը հատկացրել է Ուկրաինան:
Ներքին գործերի նախարարության տվյալներով, Թուրքիայի Հանրապետությունը ևս մեկ ուղղաթիռ և մեկ փրկարարական ինքնաթիռ է տրամադրել Վրաստանին հրդեհի վերացման աշխատանքներին մասնակցելու: Տեխնիկան կժամանի այսօր կեսօրին:
Օգնություն ստանալու համար լրացուցիչ խորհրդատվություններ են անցկացվում Իրանի ու Ադրբեջանի հետ: Օգնելու ցանկություն է հայտնել Ֆրանսիան, որի հետ վրացական կողմը նույնպես խորհրդակցություններ է անցկացնում, նշում են ՆԳՆ-ում:
Տեղում գործում է Արտակարգ իրավիճակների շտաբ, որը ղեկավարում է Վրաստանի Ներքին գործերի նախարար Գիորգի Մգեբիշվիլին:
Լրագրողների հարցին, թե արդյոք վրացական կողմը դիմել է Ռուսաստանի օգնությանը, Մգեբրիշվիլին պատասխանել է բացասական:
Հրդեհի հանգցմանը մասնակցում են նաև տեղացիները, որոնք փրկարարների հետ միասին փորել են խրամատներ, որպեսզի կրակը չտարածվի Աբասթումանի հանգստավայր:
Կամավորները լրագրողներին հայտնել են, որ Աբասթումանում իրավիճակը ավելի բարդ է, քան Բորժոմի անտառում առաջացած վերջին հրդեհը: Ըստ նրանց, այստեղ ավելի խիտ փշատերև անտառ է:
Ըստ նրանց, հրդեհի էպիկենտրոնից մինչ Աբասթուման հեռավորությունը 7-8 կմ է: Հայտնի է, որ առավոտյան հրդեհի տարածքը աճել և անցել է Զեկարի անցակետը, որտեղից 17-18 կմ է մինչ Սաիրմե հանգստավայրը:
Օգոստոսին Վրաստանում մի շարք անտառային հրդեհներ են տեղի ունեցել: Երկու օր առաջ հրդեհ էր առաջացել երկու տեղ Սամցխե-Ջավախքի շրջանում` Ախալցխայի և Ախալքալաքի շրջաններում: Նախօրեին հրդեհ էր բռնկվել Կախեթիի Սագարեջոյի շրջանի մոտակայքում Մանավի գյուղի մոտ:
Միևնույն ժամանակ, ամառային սեզոնի ամենամեծ անտառային աղետը Բորժոմիի ազգային զբոսայգու անտառային հրդեհն էր, որը հանգցնում էին վեց օր դժվար ռելիեֆի և չոր, քամոտ եղանակի պատճառով: Նախնական տվյալների համաձայն, ազգային զբոսայգում, որը Եվրոպայի ամենախոշորներից մեկն է, այրվել է ավելի քան 100 հա տարածք: Վրաստանի հրդեհի հանգցմանը օգնում էին մասնագետներ Թուրքիայից, Հայաստանից, Ադրբեջանից և Բելառուսից: Վրաստանի ԱԳՆ-ն նաև նամակ է հղել Ռուսաստանին օգնություն տրամադրելու խնդրանքով, սակայն հետագայում հայտարարվեց, որ անհրաժեշտություն չկա:
Աղբյուրը՝ Новости-Грузия
