---

Սեպտեմբերին՝ օգոստոսի համեմատ, Վրաստանում սպառողական գները նվազել են 0,3%-ով։ Այս մասին հայտնում է Վրաստանի ազգային վիճակագրական ծառայությունը։

Տարեկան կտրվածքով (սեպտեմբերին՝ նախորդ տարվա սեպտեմբերի համեմատ) գնաճը կազմել է 0,6%: Սա գնաճի ամենացածր ցուցանիշն է 2024 թվականի մարտից ի վեր։ Հիմնական գնաճը 0,8% է:

Ըստ «Սաքստատ»-ի տվյալների՝ սեպտեմբերյան գնանկման պատճառ է հանդիսացել սննդամթերքի և ոչ ալկոհոլային խմիչքների (-0,3%), ինչպես նաև տրանսպորտային խմբում (-0,4%) գների նվազումը։

Եթե խոսենք տարեկան գնաճի մասին, ապա ամենամեծ աճը գրանցվում է «Ալկոհոլային խմիչքներ և ծխախոտ» (+4,9% տարեկան կտրվածքով), ինչպես նաև «հյուրանոցներ, սրճարաններ և ռեստորաններ» (+7,5%) խմբերում։ Միաժամանակ կապի գները մեկ տարվա ընթացքում նվազել են 12,8%-ով։

Տասը ապրանքներ և ծառայություններ, որոնք տարվա ընթացքում ամենաշատն են թանկացել․

• Սխտոր՝ աճ 74%;
• Կիվի՝ աճ 52%;
• Մանդարին՝ աճ 38%;
• Ավիատոմսեր՝ 36,7% աճ;
• Կիտրոն՝ աճ 35,4%;
• Մանկական բաճկոններ՝ աճ 29%;
• Վարունգ՝ աճ 27%;
• Ներկարարական ծառայություններ՝ աճ 24,9%;
• Ոսկյա ամուսնական մատանիներ՝ աճ 24,4%;
• Նարինջ՝ 23,6% աճ։

Տասը ապրանքներ և ծառայություններ, որոնք տարվա ընթացքում ամենաշատն են էժանացել.

• Ինտերնետ՝ գնանկում 39,9%-ով;
• Կանաչեղեն՝ գնանկում 34,3%-ով;
• Կաղամբ՝ գնանկում 30,7%վ;
• Ձմերուկ՝ գնանկում 27,6%-ով;
• Հակաբիոտիկներ՝ գնանկում 25,7%-ով;
• Կանացի ձմեռային կոշիկներ՝ գնանկում 24,6%-ով;
• Կանաչ լոբի՝ գնանկում 20,9%;
• Տղամարդու հողաթափեր՝ գնանկում 20,7%-ով;
• Կանացի սվիտերներ՝ գնանկում 20,6%-ով;
• Էլեկտրական մալուխ՝ գնանկում 18,2%-ով։