Ուկրաինան ռմբակոծել է Ռուսաստանի խոշորագույն նավթավերամշակման և ռազմական գործարաններից մեկը։
ԱԹՍ-ները գիշերը հարձակվել են Ռուսաստանի մի քանի շրջանների վրա, ինչի հետևանքով մի քանի արդյունաբերական օբյեկտներում հրդեհ է բռնկվել։
Ուլյանովսկում գիշերային հարձակման թիրախ է դարձել «Զավոդ Իսկրա» գիտական ձեռնարկությունը։
Ընկերությունը մտնում է «Ալմազ-Անտեյ» կոնցեռնի կազմի մեջ և մասնագիտացված է էլեկտրոնային սարքավորումների, չափիչ գործիքների, կապի միջոցների և հատուկ նշանակության տրանսպորտային միջոցների բաղադրիչների արտադրության մեջ։ Մասնավորապես, գործարանն արտադրում է «Kh-59M2/M2A» ղեկավարվող հրթիռների բաղադրիչներ։ Հարձակման թիրախ է դարձել նաև Պերմը, որտեղ հրդեհ է բռնկվել «Լուկոյլ-Պերմնեֆտեօրգսինտեզ» նավթավերամշակման գործարանում։ Սա Ռուսաստանի հիմնական նավթավերամշակման գործարաններից մեկն է։ Գործարանը տարեկան վերամշակում է ավելի քան 13 միլիոն տոննա նավթ և արտադրում ապրանքների լայն տեսականի, այդ թվում՝ բարձրորակ բենզին, դիզելային վառելիք, ավիացիոն կերոսին և քսայուղեր։
Նավթավերամշակման գործարանը տարածաշրջանի հիմնական արդյունաբերական օբյեկտներից մեկն է և երկրում ամենաբարձր տեխնոլոգիական զարգացածներից մեկը, որը վառելիքով է ապահովում ինչպես ներքին, այնպես էլ արտահանման շուկաները։
