Այն դիմորդների համար, ովքեր միասնական ազգային քննությունների ժամանակ հաղթահարել են իրավասության նվազագույն շեմը, սակայն չեն ստացել ուսանողի կարգավիճակ, Սամցխե-Ջավախեթիի պետական համալսարանը հայտարարել է թափուր տեղերի մասին։

Վրաստանի կրթության, գիտության և երիտասարդության նախարարության որոշմամբ՝ այս կատեգորիայի դիմորդներին հնարավորություն է տրվում այսպես կոչված երկրորդական ընդունելության։

Սամցխե-Ջավախեթիի պետական համալսարանում թափուր տեղեր են հայտարարվել հետևյալ կրթական ծրագրերով․

• Վրաց բանասիրություն (Ախալքալաք)՝ 8 տեղ
• Զբոսաշրջություն (Ախալքալաք)՝ 19 տեղ
• Անասնաբուժության ինտեգրված մագիստրոսական կրթական ծրագիր՝ 42 տեղ
• Տեղեկատվական տեխնոլոգիաներ՝ 12 տեղ
• Ագրոնոմիա՝ 7 տեղ

Գրանցման ժամկետների մասին կհայտարարվի սեպտեմբերի առաջին կեսին։