Երեկ երեկոյան անօդաչու թռչող սարքերը հարձակվել են Սանկտ Պետերբուրգի, Լենինգրադի մարզի և Տվերի վրա՝ հրդեհներ առաջացնելով Wildberries-ի պահեստներում: Այս մասին հայտնել են ռուսական լրատվամիջոցները՝ հղում անելով տեղական իշխանություններին:

Լենինգրադի մարզի նահանգապետ Ալեքսանդր Դրոզդենկոյի խոսքով՝ տարածաշրջանի վրայով խփվել է մոտ 50 անօդաչու թռչող սարք:

BBC-ի ռուսական ծառայությունը նույնպես հաղորդել է Սանկտ Պետերբուրգի և Տվերի վրա անօդաչու թռչող սարքերի հարձակումների մասին: BBC-ի փոխանցմամբ՝ հարվածները խոշոր հրդեհներ են առաջացրել Wildberries-ի առնվազն երկու պահեստներում:

Պայթյուններ են լսվել նաև օկուպացված Ղրիմում: ԶԼՄ-ների հաղորդագրությունների համաձայն՝ անօդաչու թռչող սարքերը հարձակվել են Սիմֆերոպոլում գտնվող Wildberries-ի պահեստի վրա:

Այս տեղեկատվությունը հետագայում հաստատել է հենց ընկերությունը: Wildberries-ի մամուլի ծառայությունը հայտարարել է, որ տեսակավորման կենտրոնը տարհանվել է անվտանգության պահանջներին համապատասխան: Այս պահին զոհերի մասին հաղորդագրություններ չկան:

Լուսանկարը՝ արխիվից