2026 թվականի Միացյալ ազգային քննություններին, ընդհանուր մագիստրոսական քննությանը, ուսուցչի քննություններին և ուսանողական դրամաշնորհների մրցույթին մասնակցող դիմորդները կկարողանան տպել քննության քարտերը հունիսի 22-ից սկսած։ Այս մասին հայտարարել է Ազգային գնահատման և քննությունների կենտրոնը։
Կենտրոնի տվյալներով՝ քննության քարտի վրա նշված կլինի քննական կենտրոնի հասցեն, յուրաքանչյուր քննության ամսաթիվը և գրանցման մեկնարկի ժամը։
«Ազգային գնահատման և քննությունների կենտրոնը հիշեցնում է դիմորդներին, որ քննության քարտի ներկայացումը, անձը հաստատող փաստաթղթի հետ միասին, պարտադիր պահանջ է քննություններին մասնակցելու համար։ Կենտրոնը նաև կոչ է անում յուրաքանչյուր մասնակցի՝ ուշադիր կարդալ քարտի վրա գրված տեղեկատվությունը և հաշվի առնել, որ քննություններին մասնակցելը չի թույլատրվի գրանցման ավարտից հետո։
Քննության քարտի տպագրման մանրամասն հրահանգները և լրացուցիչ տեղեկատվությունը կհրապարակվեն հունիսի 22-ին Ազգային գնահատման և քննությունների կենտրոնի պաշտոնական կայքում», — ասվում է կենտրոնի հայտարարության մեջ։
