Մայիսի 24-ին Ախալքալաքի թիվ 1 հանրային դպրոցում հնչեց վերջին զանգը։
Այս տարի Ախալքալաքի թիվ 1 հանրային դպրոցն ավարտեց 34 աշակերտ, որոնցից վեցը ոսկե մեդալի հավակնորդներ են։
Վերջին զանգը յուրաքանչյուր դպրոցականի կյանքի ամենահուզիչ և հիշարժան օրերից մեկն է։ Ախալքալաքի թիվ 1 հանրային դպրոցում այս տոնակատարությունը հատկապես ջերմ և հանդիսավոր էր։ Դպրոցի բակը լի էր ժպիտներով, ծաղիկներով, երաժշտությամբ և անկեղծ հույզերով։
Զուգված և հուզված շրջանավարտները վերջին անգամ էին հավաքվել հարազատ դպրոցի աշակերտների կարգավիճակով։ Նրանք ստացան շնորհավորանքներ և ջերմ բարեմաղթանքներ ուսուցիչներից, ծնողներից և կրտսեր համադպրոցականներից։ Դպրոցի տնօրեն Ռուզաննա Տեփոյանը շրջանավարտներին մաղթեց ինքնավստահություն, հաջողություններ և մեծ ձեռքբերումներ կյանքի ճանապարհին։
Տոնակատարությանը յուրահատուկ մթնոլորտ հաղորդեցին աշակերտների ստեղծագործական ելույթները. երգեր, պարեր և բանաստեղծություններ դպրոցական կյանքի, ընկերության և ապագայի երազանքների մասին։
Ավանդական Վերջին զանգը դարձել է մանկությանը հրաժեշտ տալու և կյանքի նոր շրջափուլը սկսելու խորհրդանիշ։ Վերջին զանգով շրջանավարտների համար ավարտվեց հիշողություններով, բացահայտումներով և դպրոցական պատմություններով լի կարևոր գլուխը։ Այս օրը շրջանավարտները շնորհակալություն հայտնեցին իրենց ուսուցիչներին իրենց փոխանցած գիտելիքների, համբերության և աջակցության համար։
Այս տոնը ընդմիշտ կմնա աշակերտների հիշողության մեջ որպես դպրոցին հրաժեշտ տալու պայծառ, ուրախ և մի փոքր տխուր օր։
