«Վրացական երազանք-Ժողովրդավարական Վրաստան» կուսակցության պատգամավորության մեծամասնական թեկնածուն Սամվել Մանուկյանն է։
Այսօր, հուլիսի 20-ին «Վրացական երազանքը» ներկայացրեց իր մեծամասնական պատգամավորների թեկնածուների ցուցակը, գալիք խորհրդարանական ընտրությունների ժամանակ։
Ախալքալաք-Նինոծմինդա մեծամասնական ընտրատարածքը կներկայացնի պատգամավոր Սամվել Մանուկյանը։
«Սամվել Մանուկյանը հիմա էլ Վրաստանի խորհրդարանում լավ է ներկայացնում երկու շրջանի շահերը»,- այսպես ներկայացրեց Մանուկյանին Իրակլի Կոբախիձեն։
Սամվել Մանուկյանը 2016 թվականից «Վրացական երազանքի» համամասնական ցուցակով ընտրվել է Վրաստանի խորհրդարանի պատգամավոր:
2020 թվականի խորհրդարանական ընտրությունները տեղի կունենան հոկտեմբերի 31-ին: Սահմանադրական փոփոխությունների արդյունքում Վրաստանի նոր խորհրդարանը կձևավորվի 120 համամասնական, 30 մեծամասնական կարգով ընտրված պատգամավորներից:
