Վարչապետի ընտանիքը կհյուրընկալի Ջավախքից Լարիսա Ղարսլյանին
3 Օգոստոսի, 2018 • Agunik Ayvazyan
Հայաստանի Հանրապետության վարչապետի ընտանիքը կհյուրընկալի «Քայլ դեպի տուն» ծրագրի մասնակից, նինոծմինդացի 18-ամյա Լարիսա Ղարսլյանին: Այս մասին հայտնում է ՀՀ սփյուռքի նախարարության մամուլի և հասարակայնության հետ կապերի վարչությունը:
Օգոստոսի 3-ին սփյուռքի նախարարությունում նախարարի տեղակալ Դավիթ Սարգսյանի օգնությամբ վարչապետ Նիկոլ Փաշինյանի դուստրը՝ Շուշանը, ծրագրի մասնակիցների անունների գրառումներով տուփից պատահականության սկզբունքով ընտրել է 18-ամյա Լարիսա Ղարսլյանին:
«Մենք սիրով սպասում ենք Լարիսային մեր տանը և հուսով ենք՝ լավ ժամանակ կանցկացնենք իր հետ», — նշել է Շուշան Փաշինյանը:
«Քայլ դեպի տուն» ծրագրի մասնակիցներից մեկին կհյուրընկալի վարչապետի ընտանիքը: Այդ մասին դեռևս երկու շաբաթ առաջ ֆեյսբուքյան ուղիղ միացմամբ հայտարարեցին ՀՀ վարչապետի տիկին Աննա Հակոբյանն ու սփյուռքի նախարար Մխիթար Հայրապետյանը:
Նինոծմինդայից «Քայլ դեպի տուն» ծրագրի մասնակից Լարիսա Ղարսլյանի մասնակցության մասին առավել ընդգրկուն կներկայացնենք ավելի ուշ:
ასევე:
Ուժեղ քամին Նինոծմինդայում քշել է տանիքներ և տապալել ծառեր
Նինոծմինդայի մունիցիպալիտետի որ ճանապարհներն են ասֆալտապատվում պետբյուջեից
Մեծ Արագյալ գյուղի բնակիչը մահացած է հայտնաբերվել
Նինոծմինդայից դեպի եվրոպական շուկա «ճանապարհների» փնտրտուքներում